ਕਿੰਨਾ ਤਰਲ
ਕਿੰਨਾ ਸੁੱਚਾ ਹੁੰਦਾ
ਕਾਰਟੂਨ ਵੇਖਣਾ
ਇੱਕੋ ਵੇਲੇ
ਰੁੱਕਦਾ, ਦੌੜਦਾ, ਤੁਰਦਾ ਬੰਦਾ
ਡਿੱਗਦਾ ਸਮੁੰਦਰ ਵਿਚ
ਤਰਨ ਲਗਦਾ
ਕੰਡੇ ਪੁਜਦੇ ਦੇ
ਟਾਇਰ ਨਿਕਲ ਔਂਦੇ
ਸੜਕ ਤੇ ਭੱਜਦਾ
ਰਸਤਾ ਭੁੱਲਦਾ
ਦਿਮਾਗ਼ ਦੀ ਬੱਤੀ ਬਲਦੀ
ਘਰ ਪੁੱਜ ਜਾਂਦਾ
ਅੱਗ ਰੌਲਾ ਕਰਦੀ
ਪਾਣੀ ਰੁੱਸਦਾ
ਘਰ ਅੱਖਾਂ ਮੀਚਦੇ
ਸੜਕ ਚਲਦੀ
ਪੰਛੀ ਬੋਲਦੇ
ਜਨੌਰ ਗੱਲਾਂ ਕਰਦੇ
ਰੁੱਖ ਹੱਸਦੇ, ਕੀੜੇ ਰੋਂਦੇ
ਕਿਰਦਾਰ ਜਿਵੇਂ ਜਾਦੂ ਹੁੰਦੇ
ਸ਼ਹਿਰ ਤੇ ਕਾਬਜ਼
ਜਾਦੂਗਰਨੀ
ਅਪਣੇ ਘਰ ਪਰਤ ਜਾਂਦੀ
ਬੁਰੇ ਨੂੰ ਸਜ਼ਾ ਮਿਲਦੀ
ਚੰਗੇ ਨੂੰ ਇਨਾਮ ਮਿਲਦਾ
ਸਭ ਸਾਂਤੀ ਰਹਿੰਦੀ
ਨਾ ਨਾਇਕ ਮਰਦਾ
ਨਾ ਖਲਨਾਇਕ
