ਚੰਨ ਸਾਡੇ ਵਿਹੜੇ ਵਿਚ ਚਾਨਣੀ ਖਿਲ੍ਹਾਰਨਾ
ਮੈਨੂੰ ਮੈਂਡੇ ਪਿਆਰ ਨੀਆਂ ਘੜੀਆਂ ਚਿਤਾਰਨਾ
ਤੱਕ ਤੱਕ ਹੱਸਣਾ ਤੇ ਦਿਲ ਪਿਆ ਖੁੱਸਣਾ
ਦੂਰ ਦੂਰ ਰਹਿ ਕੇ ਮੈਂਡੇ ਨੇੜੇ ਪਿਆ ਵੱਸਣਾ
ਜਗਦਾ ਏ ਦਿਲ ਮੈਂਡੇ ਦੀਵਾ ਗੁੱਝੇ ਪਿਆਰ ਨਾ
ਚੰਨ ਸਾਡੇ ਵਿਹੜੇ ਵਿਚ ਚਾਨਣੀ ਖਿਲ੍ਹਾਰਨਾ
ਕਦੇ ਕਦੇ ਬੱਦਲਾਂ ਨੀ ਓਟੇ ਪਿੱਛੋਂ ਤੱਕਣਾ
ਝੱਕ ਝੱਕ ਤੱਕਣਾ ਤੇ ਤੱਕ ਤੱਕ ਝੱਕਣਾ
ਕਦੇ ਮੈਂਡੇ ਕੋਲ਼ ਆ ਕੇ ਬਾਂਹਵਾਂ ਨੂੰ ਪਸਾਰਨਾ
ਚੰਨ ਸਾਡੇ ਵਿਹੜੇ ਵਿਚ ਚਾਨਣੀ ਖਿਲ੍ਹਾਰਨਾ
ਰੁੱਖਾਂ ਦਿਆਂ ਪੱਤਰਾਂ ਚੋਂ ਝਾਤ ਪਿਆ ਪਾਨਾ ਏਂ
ਕੋਲ਼ ਜਾ ਕੇ ਤੱਕਾਂ ਤੇ ਉਹ ਲੁਕ ਲੁਕ ਜਾਨਾ ਏਂ
ਓਪਰਾ ਈ ਸਿੱਖਿਆ ਏ ਢੰਗ ਉਸ ਪਿਆਰ ਨਾ
ਚੰਨ ਸਾਡੇ ਵਿਹੜੇ ਵਿਚ ਚਾਨਣੀ ਖਿਲ੍ਹਾਰਨਾ
