ਚਿੱਠੀਆ ਵੰਡਣ ਵਾਲਿਆ ਵੇ, ਚਿੱਠੀਆ ਵੰਡਣ ਵਾਲਿਆ ।
ਸੱਤ ਸਮੁੰਦਰੋਂ ਪਾਰ ਗਿਆ ਉਹ ।
ਕਰ ਕੇ ਕੌਲ ਕਰਾਰ ਗਿਆ ਉਹ ।
ਦਿਲ ਵੀ ਤੱਕ-ਤੱਕ ਹਾਰ ਗਿਆ ਉਹ ।
ਮਾਹੀ ਮੇਰੇ ਦੀ ਕਾਲੀ ਕੰਬਲੀ, ਝੋਲੇ ਦੇ ਵਿਚ ਪਾ ਲਿਆ ਵੇ ।
ਚਿੱਠੀਆ ਵੰਡਣ ਵਾਲਿਆ.........
ਸਾਉਣ ਦੀ ਬਦਲੀ ਵਰ੍ਹ-ਵਰ੍ਹ ਜਾਵੇ ।
ਯਾਦ ਪ੍ਰੀਤਮ ਦੀ ਦਿਲ ਤੜਪਾਵੇ ।
ਖ਼ਤ ਪ੍ਰੀਤਮ ਦਾ ਕੋਈ ਨਾ ਆਵੇ ।
ਜੇ ਖ਼ਤ ਉਸਦਾ ਲਿਆ ਨਹੀਂ ਸਕਦਾ, ਸਿਰਨਾਵਾਂ ਹੀ ਲਿਆ ਦੇ ਵੇ ।
ਚਿੱਠੀਆ ਵੰਡਣ ਵਾਲਿਆ.........
ਤੁੰ ਪਰੀਤਮ ਦਾ ਲਿਆਵੇਂ ਸੁਨੇਹੜਾ ।
ਤੇਰੇ ਵਰਗਾ ਦਰਦੀ ਕਿਹੜਾ ।
ਪਰ ਜੇ ਮੇਰਾ ਸੱਖਣਾ ਵਿਹੜਾ ।
ਸਖਤੇ ਦੇ ਨਾਲ ਪਿਆਰ ਵੰਡਾ ਕੇ, ਰੋਗ ਹੱਡਾਂ ਨੂੰ ਲਾ ਲਿਆ ਵੇ ।
ਚਿੱਠੀਆ ਵੰਡਣ ਵਾਲਿਆ.........
