ਦੱਸ ਰੱਬਾ ਤੇਰੇ ਜਹਾਨ ਵਿਚ
ਚੰਗਿਆਈ ਹੀ ਕਿਉਂ ਮਰਦੀ ਏ ।
ਕੋਲ ਤੇਰੇ ਬੁਰਾਈ ਲਈ
ਕੀ, ਕੋਈ ਮੌਤ ਨਹੀਂ ।।
ਡਰੇ-ਡਰੇ ਸਹਿਮੇ-ਸਹਿਮੇ
ਸੱਚੇ ਹੀ ਕਿਉਂ ਰਹਿੰਦੇ ਨੇ ।
ਕਿਸੇ ਦਾ ਝੂੱਠੇ ਨੂੰ
ਕੀ, ਕੋਈ ਖੌਫ਼ ਨਹੀਂ ।।
ਹੱਸ ਨਾ ਮੇਰੇ ਤੇ
ਨਾ ਉਡਾ ਮਜ਼ਾਕ ।
ਇਹ ਹਕੀਕਤ ਹੈ
ਕੀ, ਕੋਈ ਜੋਕ ਨਹੀਂ ।।
ਇਹ ਗ਼ਲਤ ਇਹ ਨਾ ਕਰ
ਸਭ ਰੋਕਾਂ ਚੰਗੇ ਨੂੰ ਹੈ ।
ਪਰ ਪਾਪ ਲਈ ਤੇਰੇ ਕੋਲ
ਕੀ, ਕੋਈ ਰੋਕ ਨਹੀਂ ।।
ਕਿਸ ਤੋਂ ਕਰੀਏ ਆਸ ਰੱਬਾ
ਕਿਸ ਤੇ ਕਰੀਏ ਵਿਸਵਾਸ਼ ।
ਲੰਕਾ ਢਾਹੁਣ ਵਾਲੇ ਆਪਣੇ ਨੇ
ਕੀ, ਕੋਈ ਲੋਕ ਨਹੀਂ ।।
ਕੌਣ ਹੈ ਮਾਂ ਕੌਣ ਹੈ ਬਾਪ
ਸੱਭ ਨੂੰ ਜਾਪੇ ਆਪਣਾ ਆਪ ।
ਦੂਜਿਆਂ ਲਈ ਕਿਸੇ ਕੋਲ
ਕੀ , ਕੋਈ ਸੋਚ ਨਹੀਂ ।।
ਆਪਣੇ ਦੁੱਖ ਤੇ ਤਾਂ ਕੇਰੇ ਹੰਝੂ
ਹੋਰਾਂ ਦਾ ਦੁੱਖ ਮਜ਼ਾਕ ।
ਕਿਸੇ ਦੇ ਮਰੇ ਤੇ ਕਿਸੇ ਨੂੰ
ਕੀ , ਕੋਈ ਸ਼ੌਕ ਨਹੀਂ ।।
ਬੁਰਾਈ ਨੂੰ ਜੋ ਮਾਰ ਮੁਕਾਏ
ਕਰੇ ਗਿਆਨ ਦਾ ਚਾਨਣ ।
ਦੱਸ ਰੱਬਾ ਤੇਰੇ ਜਹਾਨ ਵਿਚ
ਕੀ , ਅਜਿਹੀ ਕੋਈ ਜੋਤ ਨਹੀਂ ।।
ਕਰੇ ਦੂਰ ਪਾਪ ਹਨੇਰਾ
ਕੱਟ ਦੇਵੇ ਝੂੱਠ ਦੇ ਪੈਰ ।
ਐਸੀ ਸੱਚ ਦੀ ਜਹਾਨ ਵਿਚ
ਕੀ , ਕੋਈ ਨੋਕ ਨਹੀਂ ।।
