ਸਾਡੇ ਘਰ ਵਿੱਚ ਆਈ ਧੀ।
ਸਭ ਨੇ ਖੁਸ਼ੀ ਮਨਾਈ ਜੀ।
ਉਸਦੇ ਨਾਲ ਮੈਂ ਤਾਇਆ ਬਣਿਆ।
ਤਾਈ ਨੂੰ ਬੜਾ ਚਾਅ ਚੜ੍ਹਿਆ।
ਗੁਰਕੀਰਤ ਲਈ ਖੁਸ਼ੀ ਲਿਆਈ ਜੀ।
ਮਾਤਾ-ਪਿਤਾ ਨੂੰ ਮਿਲੇ ਵਧਾਈ।
ਘਰ ਦੇ ਵਿੱਚ ਲਛਮੀ ਆਈ।
ਸਭ ਵੇਖਣ ਚਾਂਈ-ਚਾਂਈ ਜੀ।
ਦਾਦਾ-ਦਾਦੀ ਨੂੰ ਚਾਅ ਚੜ੍ਹਿਆ।
ਖੁਸ਼ੀਆਂ ਨਾਲ ਘਰ ਜਾਪੇ ਭਰਿਆ।
ਨਾਨਾ-ਨਾਨੀ ਨੂੰ ਵਧਾਈ ਜੀ।
ਸੋਹਣਾ ਮੁੱਖੜਾ ਚਮਕਾਂ ਮਾਰੇ।
ਹੱਸਦੀ-ਹੱਸਦੀ ਸਭ ਨੂੰ ਨਿਹਾਰੇ।
ਸਭ ਨੂੰ ਦੇਖ ਮੁਸਕਰਾਈ ਜੀ।
ਚਾਚਾ ਲੈ ਕੇ ਆਇਆ ਖਿਡੌਣੇ।
ਮਾਮੇ ਲਿਆਏ ਕੱਪੜੇ ਸੋਹਣੇ-ਸੋਹਣੇ।
ਪੜਦਾਦੀ ਜਾਵੇ ਉਹਨੂੰ ਖਿਡਾਈ ਜੀ।
ਸਾਡੇ ਘਰ ਨਵਕਿਰਨ ਆਈ ਧੀ।
ਸਭ ਨੇ ਖੁਸ਼ੀ ਮਨਾਈ
