ਇਹ ਜੋ ਦਸੂਤੀ 'ਤੇ
ਤਾਰੇ ਕੱਢਦੀਆਂ ਨੇ
ਸੂਈਆਂ ਧਾਗਿਆਂ ਨਾਲ
ਫੁੱਲ ਮੋਰ ਬਣਾ ਦੇਣ
ਬਹੁਤ ਸੂਖ਼ਮ ਨੇ
ਰੀਝਾਂ ਇਹਨਾਂ ਦੀਆਂ
ਡਾਲੀਆਂ ਬਣਾ
ਚਿੜੀਆਂ ਤੋਤਿਆਂ ਨੂੰ ਬੈਠਣ
ਸਾਹ ਲੈਣ ਦਾ ਆਸਰਾ ਦੇਣ
ਧਾਗਿਆਂ ਨਾਲ ਨਵੇਂ ਰਾਹ
ਉਸਾਰ ਕੇ ਦੱਸ ਦਿੰਦੀਆਂ ਨੇ
ਰੰਗਾਂ ਨੂੰ ਵਿਛਾ
ਪੀਘਾਂ ਪਾ ਦੇਣ ਅੰਬਰਾਂ 'ਤੇ
ਕੁੱਖਾਂ 'ਚੋਂ ਨਾਨਕ ਰਿਸ਼ਮਾਂ ਬਖ਼ਸ਼ਣ
ਪੈਦਾ ਕਰਨ ਗੋਬਿੰਦ ਯੋਧੇ
ਕੰਘੀਆਂ ਨਾਲ ਵਾਲ ਸੁਆਰ
ਸਿਰਾਂ ਤੇ ਤਾਜ ਸਜਾ ਦੇਣ
ਨਵੇਂ ਪਾ ਦੇਣ ਡਾਕ ਬੰਗਲੇ
ਇਹ ਸਜਣ ਤਾਂ ਦੁਨੀਆਂ ਸਜਦੀ
ਚੰਗੇ ਲੱਗਣ ਘਰਾਂ ਦੇ ਬੂਹੇ
