ਲੇਖ ਲਿਖਦੇ ਨੇ ਲੋਕ ਬਿਗਾਨਿਆਂ ਦੇ,
ਦੱਸਣ ਨਾਲ ਤਫ਼ਸੀਲ ਦੇ ਉਹ ਗੱਲਾਂ ।
ਪੀੜ੍ਹੀ ਆਪਣੀ ਹੇਠ ਨਾ ਫ਼ਿਰੇ ਸੋਟਾ ,
ਐਬ ਹੋਰਾਂ ਦੇ ਫੋਲਣੇ, ਕੀ ਉਹ ਗੱਲਾਂ ?
ਯਾਰ ਨੇ ਯਾਰ ਕੋਲ ਜੋ ਰਾਜ ਫੋਲੇ,
ਰੱਖੀਏ ਰਾਜ ਦੀਆਂ ਸੀਨੇ ਲੁਕੋ ਗੱਲਾਂ ।
ਬੱਦਲਾਂ ਵਾਂਗ ਵਲਵਲੇ ਗਰਜਦੇ ਨੇ,
ਤੋੜ੍ਹਨਗੇ ਬੰਨ੍ਹ ਇਹ ਹੁਣ ਹੋ ਛੱਲਾਂ ।
ਦਿਲ ਚਾਹੇ ਕਦੇ ਤੋੜ ਕੇ ਤੰਦ ਤਾਣਾ,
ਨੁੱਕਰ ਪਹਾੜ ਦੀ ਜੋਗੀ ਹੋ ਮੱਲਾਂ ।
ਭੱਜਣ ਭਜਾਉਣ ਦੀਆਂ ਛੱਡ ਜੁਗਤਾਂ,
ਕਰੀਏ ਦੁਨੀਆਂਦਾਰੀ ਵਿੱਚ ਖਲੋ ਗੱਲਾਂ ।
ਸੁਪਨਈ ਬਾਤਾਂ ਦੀ ਪਟਾਰੀ ਖ਼ੋਲ੍ਹ ਬੈਠਾ ਕੋਈ
ਭਰ ਹੁੰਗਾਰਾ, ਸੁਣ ਜਰਾ ਨੇੜੇ ਹੋ ਗੱਲਾਂ ।
ਕੇਹੀ ਧੁੰਦ ਛਾ ਕਈ ਯਾਰ ਸ਼ਮੀ,
ਸਮਝੇ ਹੋਰ ਤੇ ਹੁੰਦੀਆਂ ਹੋਰ ਗੱਲਾਂ।
