ਹਾਂ ਮੈਂ ਰੀਝ ਹੈ ਪਾਲ਼ੀ, ਸੱਜਣ ਨੂੰ ਨੇੜਿਓਂ ਤੱਕਣ ਦੀ ।
ਕੀਤੀ ਹੈ ਫੁੱਲ ਤਿਆਰੀ ਮੈਂ, ਓਸ ਲੁਕੇ ਨੂੰ ਲੱਭਣ ਦੀ ।
ਲੁਕੇ ਨੂੰ ਲੱਭਣ ਦੀ ਤੇ ਲੱਭ ਲੁਕਾ ਕੇ ਰੱਖਣ ਦੀ ।
ਲੁਕਾ ਕੇ ਰੱਖਣ ਦੀ ਤੇ ਕੱਲੀ ਬਹਿ ਕੇ ਤੱਕਣ ਦੀ ।
ਬਹਿ ਕੇ ਤੱਕਣ ਦੀ ਤੇ ਦਿਲ ਦੀ ਗੱਲ ਰੱਖਣ ਦੀ ।
ਦਿਲੇ ਦੀ ਗੱਲ ਰੱਖਣ ਦੀ, ਜ਼ਰਾ ਨਾ ਵਲ਼ ਰੱਖਣ ਦੀ ।
ਵਲ਼ ਰੱਖਣ ਦੀ, ਨਾ ਵਲ਼ ਵਿੱਚ ਛਲ ਰੱਖਣ ਦੀ ।
ਹਾਂ ਮੈਂ ਰੀਝ ਹੈ ਪਾਲ਼ੀ, ਸੱਜਣ ਨੂੰ ਨੇੜਿਓਂ ਤੱਕਣ ਦੀ ।
ਨੇੜਿਓਂ ਤੱਕਣ ਦੀ, ਤੇ ਤੱਕ ਤੱਕ ਨਾ ਥੱਕਣ ਦੀ ।
ਤੱਕ ਨਾ ਥੱਕਣ ਦੀ, ਵੇਖ ਨੈਣੀ ਹੰਝੂ ਡੱਕਣ ਦੀ ।
ਹੰਝੂ ਡੱਕਣ ਦੀ, ਪਿਆਰ ਨਾ ਉ੍ਹਦੇ ਗਲ਼ ਲੱਗਣ ਦੀ ।
ਗਲ਼ ਲੱਗ ਕੇ ਤੇ, ਦਿਲ ਦੀ ਧੜਕਣ ਰੋਕਣ ਦੀ ।
ਹੌਕਾ ਵੱਡਾ ਲੈ ਕੇ ਤੇ, ਰੱਜ ਰੱਜ ਰੋ ਕੇ ਹੱਸਣ ਦੀ ।
ਰੋ ਕੇ ਹੱਸਣ ਦੀ ਤੇ ਉਸਦੇ ਨਾਮ ਨਾਲ ਜਚਣ ਦੀ ।
ਗੱਲ ਕਰ ਲੱਗਗੀ ਫੱਬਣ ਜੀ, 'ਸਰਬ' ਕਮਲ਼ੀ ਹੋ ਸੱਜਣ ਦੀ ।
