ਹਾਲ ਕੁਚੱਜੇ ਬੰਦੇ ਨੂੰ ਵੀ ਕੰਜਰਾਂ ਵਾਂਗ ਨਚਾਂਦੇ ਨੇ ।
ਕੰਮ ਜਿਹੜਾ ਨਹੀਂ ਕਰਨਾ ਚਾਹੁੰਦਾ ਉਹ ਵੀ ਕੰਮ ਕਰਾਂਦੇ ਨੇ ।
ਵੇਲੇ ਉੱਤੇ ਜ਼ੋਰ ਨਾ ਚੱਲੇ ਵੱਡੇ ਵੱਡੇ ਬੰਦਿਆਂ ਦਾ,
ਸ਼ੇਰਾਂ ਨੂੰ ਵੀ ਵੇਲੇ ਅਜ-ਕੱਲ ਬਕਰੀਆਂ ਨਾਲ ਬਿਠਾਂਦੇ ਨੇ ।
ਸੱਪ ਦਾ ਡੰਗਿਆ ਬਚ ਜਾਵੇ ਹਾਲਾਤ ਦਾ ਡੰਗਿਆ ਮੁਸ਼ਕਿਲ ਏ,
ਦੁਨੀਆਂ ਤੇ ਫਿਰਦੇ ਬੰਦੇ ਨੂੰ ਕਬਰਾਂ ਵਿਚ ਲੈ ਜਾਂਦੇ ਨੇ ।
ਰੱਬ ਕਿਸੇ ਵੈਰੀ ਨੂੰ ਵੀ ਹੁਣ ਭੁੱਖਾਂ ਦੇ ਵਸ ਪਾਵੇ ਨਾ,
ਭੁੱਖੇ ਬੱਚੇ ਰੋਂਦੇ ਦੇਖ ਕੇ ਮਾਪੇ ਜ਼ਹਿਰ ਵੀ ਖਾਂਦੇ ਨੇ ।
ਦੁਨੀਆਂ ਦਾਰੀ ਛੱਡ ਕੇ ਜਿਹੜੇ ਕਰਦੇ ਕੰਮ ਭਲਾਈਆਂ ਦੇ,
ਜੰਨਤ ਵਿਚ 'ਇਰਸ਼ਾਦ' ਉਹ ਲੋਕੀ ਆਪਣਾ ਘਰ ਬਣਾਂਦੇ ਨੇ ।
