ਨਾ ਮੈਂ ਕੋਈ ਗਜ਼ਲ ਲਿਖੀ, ਤੇ ਨਾ ਹੀ ਕੋਈ ਨਜ਼ਮ ਲਿਖੀ,
ਮੈਂ ਤਾਂ ਸਿਰਫ਼ ਲਿਖੇ ਨੇ, ਦਿਲਾਂ ਦੇ ਜ਼ਜ਼ਬਾਤ ਸੱਜ਼ਣ ਜੀ।
ਨਾਸਤਿਕਾਂ ਨੇ ਮੰਨਿਆ, ਆਸਤਿਕ ਪੈਰੋਕਾਰਾਂ ਨੇ ਨਹੀਂ ਮੰਨਿਆ,
ਗੁਰੂਆਂ ਦਾ ਕਹਿਣਾ, ਮਾਨਸ ਕੀ ਏਕ ਜਾਤ ਸੱਜਣ ਜੀ।
ਪੈਰ-ਪੈਰ ਤੇ ਆਲੇ-ਦੁਆਲੇ ਦੁਸ਼ਮਣ ਸਿਰਜ ਲੈਂਦੀ ਹੈ,
ਬੜੀ ਬੇਰਸ ਹੁੰਦੀ ਏ, ਸੱਚੇ ਲੋਕਾਂ ਦੀ ਔਕਾਤ ਸੱਜਣ ਦੀ।
ਸਦੀਆਂ ਦੇ ਕਾਲੀ ਰਾਤ ਦੇ ਹਨੇਰਿਆਂ ਚ ਭਟਕ ਰਹੇ ਹਾਂ,
ਹੁਣ ਇੰਤਜ਼ਾਰ ਨਹੀਂ ਹੁੰਦਾ, ਛੇਤੀ ਲੈ ਆਉ ਪ੍ਰਭਾਤ ਸੱਜਣ ਜੀ।
ਸਿੱਧੂ' ਇੱਕ ਹੜ ਆਵੇਗਾ, ਜੋ ਟੋਏ-ਟਿੱਬਿਆਂ ਨੂੰ ਹੂੰਝ ਦੇਵੇਗਾ,
ਫਿਰ ਉੱਚੇ-ਨੀਵਿਆਂ ਦੀ ਮੁੱਕ ਜਾਣੀ ਹੈ ਬਾਤ ਸੱਜਣ ਜੀ।
