ਹਰ ਰਿਸ਼ਤੇ ਵਿੱਚ ਮਤਲਬ ਦੀ ਬਾਤ ਹੁੰਦੀ ਏ,
ਹਰ ਰੌਸ਼ਨੀ ਪਿੱਛੇ ਹਨੇਰੀ ਰਾਤ ਹੁੰਦੀ ਏ।
ਐਵੇਂ ਥੋੜ੍ਹਾ ਕਰਦਾ ਕੋਈ ਚੰਗੇ ਮੰਦੇ ਕਰਮ,
ਹਰ ਕੰਮ ਪਿੱਛੇ ਕਿਸੇ ਦੀ ਔਕਾਤ ਹੁੰਦੀ ਏ।
ਉਹ ਆਫਤ ਨੂੰ ਸਿਰਫ਼ ਮਜਾਕ ਸਮਝਦੇ ਨੇ,
ਜਿੰਨ੍ਹਾਂ ਨੇ ਸਿਰ ਤੇ ਰੱਖੀ ਮੌਤ-ਸੌਗਾਤ ਹੁੰਦੀ ਏ।
ਕੌਣ ਕਹਿੰਦਾ ਜਿੰਦਗੀ ਬਹਾਰਾਂ ਦਾ ਮੌਸਮ ਹੈ,
ਦੋਸਤੋ ਜਿੰਦਗੀ ਤਾਂ ਗਮਾਂ ਦੀ ਬਰਾਤ ਹੁੰਦੀ ਏ।
ਡਰੋ ਨਾ ਦੋਸਤੋ ਭਿਆਨਕ ਗਰਮੀ ਦੇ ਕਹਿਰ ਤੋਂ,
ਕਦੇ ਨਾ ਕਦੇ ਤਾਂ ਜਰੂਰ ਬਰਸਾਤ ਹੁੰਦੀ ਏ।
ਸਿੱਧੂ' ਹੁਣ ਹੋਰ ਕੀ ਲਿਖਾਂ ਇਸ ਗਜ਼ਲ ਵਿੱਚ,
ਲਿਖਦਾ ਹਰ ਕੋਈ ਓਨਾਂ ਜਿੰਨੀ ਔਕਾਤ ਹੁੰਦੀ ਏ।
