ਹੇ-ਹੈ ਹੈ ਘੁੰਘਟ ਕੱਢ ਨ ਮਾਰ ਵੇ ਜ਼ਾਲਿਮ
ਮੈਂ ਤਰਵਾਰ ਸੰਜਾਨੀਆਂ ।
ਮੀਆਂ ਹੁਣ ਮੁਨਾਸਿਬ ਆਖੇਂ
ਪਰ ਮੈਂ ਚੋਰੀ ਕਾਰ ਸੰਜਾਨੀਆਂ ।
ਜੇ ਤੂੰ ਮੂੰਹ ਪਲੋ ਤਾਈਂ ਮੂੰਹ ਪਲੋ
ਮੈਂ ਰੋਵਾਂ ਪੁਕਾਰ ਸੰਜਾਨੀਆਂ ।
ਹਾਲ ਦੇ ਅਕਰ ਫੜਿਆ ਇਹ ਜ਼ਾਲਿਮ
ਧਾਰ ਸੰਜਾਨੀਆਂ ।
ਇਹਨਾਂ ਰੰਗ ਬਰੰਗੀਆਂ ਭਤਾਂ ਕੁਨੋਂ
ਤੇਗ਼ ਜੌਹਰਦਾਰ ਸੰਜਾਨੀਆਂ ।
ਇਹ ਗਲ ਗਲ ਦਬਦੀ ਲਕ ਨਹੀਂ
ਮੈਂ ਡਿੰਗਰੀ ਫਾਰ ਸੰਜਾਨੀਆਂ ।
ਮੀਆਂ ਇਸ਼ਕ ਤੇ ਮੁਸ਼ਕ ਨ ਗੁੱਝਾ ਰਹਿੰਦਾ
ਮੈਂ ਗੁਲਜ਼ਾਰ ਸੰਜਾਨੀਆਂ ।
ਲੁੱਟ ਵੇ ਜ਼ਾਲਿਮ ਜੋ ਮਨ ਭਾਵੇ
ਵਲ ਵਲ ਮਾਰ ਸੰਜਾਨੀਆਂ ।
ਹੈਦਰ ਆਖੇਂ ਵਤ ਕਿਰਦਾਰ ਤੋਂ ਵੇਖਾਂ,
ਮੈਂ ਭੀ ਵਾਰ ਸੰਜਾਨੀਆਂ ।੨।
