ਭਾਵੇਂ ਅੰਦਰ ਹੋਵੇ ਸਿੱਖੀ ।
ਜਾਂ ਹੋਵੇ ਮੁਸਲਮਾਨੀਅਤ ।
ਪਰ ਇੱਕ ਗੱਲ ਪਿਆਰੇ ਯਾਦ ਰੱਖੀਂ ।
ਸਭ ਤੋਂ ਪਹਿਲਾਂ ਐ ਇਨਸਾਨੀਅਤ ।
ਭਾਵੇਂ ਪੜ੍ਹ ਲੈ ਗੁਰਬਾਣੀ ਤੂੰ ।
ਜਾਂ ਕਰੀਂ ਅਦਾ ਨਮਾਜ਼ਾਂ ਨੂੰ ।
ਪਰ ਇੱਕ ਗੱਲ ਪਿਆਰੇ ਯਾਦ ਰੱਖੀਂ ।
ਇਹਨਾਂ ਦੋਵਾਂ ਵਿੱਚ ਰੁਹਾਨੀਅਤ ।
ਜੇ ਕਹਿੰਦੈਂ ਮੰਦਿਰ ਤੇਰਾ ਐ ।
ਤੇ ਆਹ ਗੁਰੂ ਘਰ ਮੇਰਾ ਐ ।
ਤਾਂ ਇੱਕ ਗੱਲ ਪਿਆਰੇ ਯਾਦ ਰੱਖੀਂ ।
ਰੱਬੀ ਘਰ ਵੀ ਛਾਊ ਵਿਰਾਨੀਅਤ ।
ਉੁਹ ਤਾਂ ਕਹਿੰਦੇ ਇੱਕ ਓਅੰਕਾਰ ।
ਮਾਲਿਕ ਸਭ ਕਾ ਇੱਕ ਹੈ ਯਾਰ ।
ਫ਼ਿਰ ਵੀ ਆਪਸ ਵਿੱਚ ਤਕਰਾਰ ।
ਆਹ ਦੇਖ ਹੁੰਦੀ ਐ ਹੈਰਾਨੀਅਤ ।
ਭਾਵੇਂ ਅੰਦਰ ਹੋਵੇ ਸਿੱਖੀ ।
ਜਾਂ ਹੋਵੇ ਮੁਸਲਮਾਨੀਅਤ ।
ਪਰ ਇੱਕ ਗੱਲ ਪਿਆਰੇ ਯਾਦ ਰੱਖੀਂ ।
ਸਭ ਤੋਂ ਪਹਿਲਾਂ ਐ ਇਨਸਾਨੀਅਤ ।
