ਇੰਤਜ਼ਾਰ ਹੈ ਉਸ ਸਵੇਰ ਦਾ,
ਜਿਸ ਸਵੇਰ ਸੂਰਜ ਦੀ ਤਪਸ ਇੱਕਸਾਰ ਮਿਲੇਗੀ,
ਤੇ ਸਭ ਲੋਕਾਂ ਦੀ ਰੂਹ ਖੁਸ਼ੀਆਂ ਨਾਲ ਖਿਲੇਗੀ।
ਇੰਤਜ਼ਾਰ ਹੈ ਉਸ ਦੁਪਹਿਰ ਦਾ,
ਜਿਸ ਦੁਪਹਿਰ ਨੂੰ ਸਭ ਦੇ ਮੱਥੇ ਚੋਂ ਪਸੀਨਾ ਚੋਵੇਗਾ,
ਪਰ ਮੁੱਖ ਪੋਚਣ ਲਈ ਕੋਈ ਨਾ ਕੋਈ ਨੇੜੇ ਹੋਵੇਗਾ।
ਇੰਤਜ਼ਾਰ ਹੈ ਉਸ ਸਾਮ ਦਾ,
ਜਿਸ ਸਾਮ ਸਭ ਸੱਥ ਵਿੱਚ ਬਹਿ ਕੇ ਗੱਪਾਂ ਮਾਰਨਗੇ,
ਤੇ ਆਪਣੇ ਦਿਨ ਦੇ ਕੁਝ ਪਲ ਇੱਕ ਸਾਥ ਗੁਜਾਰਨਗੇ।
ਇੰਤਜ਼ਾਰ ਹੈ ਉਸ ਰਾਤ ਦਾ,
ਜਿਸ ਰਾਤ ਸਭ ਘੁੱਟ-ਘੁੱਟ ਨੀਂਦ ਨੂੰ ਜੱਫੀਆਂ ਪਾਵਣਗੇ,
ਤੇ ਨੀਂਦ ਦੀ ਗੋਦੀ ਵਿੱਚ ਬੈਠੇ ਨਵੇਂ ਸੁਪਨੇ ਸਜਾਵਣਗੇ।
