ਇਰਾਦਾ ਕਰ ਲਿਆ ਉਹਨੇ ਵੀ ਆਪਣਾ ਘਰ ਵਸਾਣਾ ਏ ।
ਅਸਾਂ ਜਦ ਸੋਚਿਆ ਸੀ ਨਾਲ ਉਹਦੇ ਦਿਲ ਲਗਾਣਾ ਏ ।
ਇਹ ਵਾਅਦਾ ਸੱਚ ਏ ਮੌਲਾ ਕੋਈ ਜਾ ਕੇ ਨਹੀਂ ਆਉਂਦਾ,
ਸਬਰ ਸਾਨੂੰ ਈ ਦੇ ਦੇਵੇ ਜੇ ਉਨ੍ਹਾਂ ਭੁੱਲ ਜਾਣਾ ਏ ।
ਮੇਰਾ ਤੇ ਲੈ ਗਿਆ ਉਹ ਚੈਨ, ਮੈਂ ਬੇਚੈਨ ਰਹਿਣਾ ਵਾਂ,
ਸਣੇ ਤੀਲੇ ਅਸਾਡਾ ਰੋ ਰਿਹਾ ਕਿਉਂ ਆਸ਼ੀਆਨਾ ਏ ।
ਸੁਹਾਣੀ ਰੁੱਤ ਦੀ ਆਪੋ ਅਸੀਂ ਕੀ ਦਾਸਤਾਨ ਕਹੀਏ,
ਗ਼ਮਾਂ ਦੇ ਨਾਲ ਛਲਣੀ ਆਂ, ਲਹੂ ਮਨਜ਼ਰ ਫ਼ਸਾਨਾ ਏ ।
ਤੁਹਾਡਾ ਹਰ ਜ਼ਖ਼ਮ ਦਿਲ ਤੇ ਅਸੀਂ ਤੇ ਹਸ ਕੇ ਸਹਿਲਾਂਗੇ,
ਜ਼ਰਾ ਬਸ ਦੇਖ ਲੈਣਾ ਕਿ ਨਵਾਂ ਥਾਂ ਏ, ਪੁਰਾਣਾ ਏ ।
