ਇਸ ਦੇ ਦਮ ਨਾਲ ਬਾਗ਼ ਬਹਾਰਾਂ,
ਸਾਰਾ ਕਾਰ ਵਿਹਾਰ।
ਜੀਵਣ ਬੱਸ ਇੱਕੋ ਨੁਕਤਾ,
ਨਰ-ਨਾਰੀ ਦਾ ਪਿਆਰ।
ਨਾਰੀਆਂ ਪਿਆਰੀਆਂ ਨੂੰ ਲਵ ਯੂ
ਸਾਡੇ ਵੱਲੋਂ ਸਾਰੀਆਂ ਨੂੰ ਲਵ ਯੂ
ਹੈਪੀ-ਹੈਪੀ ਫੇਸ ਤੇ ਜਵਾਨੀਆਂ,
ਅੱਖਾਂ ਵਿੱਚ ਮਿੱਠੀਆਂ ਸ਼ੈਤਾਨੀਆਂ।
ਅੱਲ੍ਹੜਾਂ ਦੇ ਹਾਸੇ ਰਹਿਣ ਮਹਿਕਦੇ,
ਕਦੇ ਵੀ ਨਾ ਆਉਣ ਪਰੇਸ਼ਾਨੀਆਂ,
ਚੜੀਆਂ ਖ਼ੁਮਾਰੀਆਂ ਨੂੰ ਲਵ ਯੂ।
ਸਾਡੇ ਵੱਲੋਂ ਸਾਰੀਆਂ ਨੂੰ ਲਵ ਯੂ।
ਗੋਰੀਆਂ ਤੇ ਕਾਲੀਆਂ ਨੂੰ,
ਭਾਬੀਆਂ ਤੇ ਸਾਲੀਆਂ ਨੂੰ,
ਘਰ-ਬਾਰ ਵਾਲੀਆਂ ਨੂੰ,
ਦਾਦੀਆਂ ਤੇ ਅੰਮੀਆਂ ਨੂੰ
ਹੁਣੇ ਹੁਣੇ ਜੰਮੀਆਂ ਨੂੰ,
ਭੋਲੀਆਂ ਸਿਆਣੀਆਂ ਨੂੰ,
ਧੀਆਂ ਭੈਣਾਂ ਰਾਣੀਆਂ ਨੂੰ,
ਹਰ ਇੱਕ ਰੂਪ ਵਿੱਚ,
ਸਾਰੀਆਂ ਸੁਆਣੀਆਂ ਨੂੰ,
ਪਿਆਰ ਨਾਲੋਂ ਪਿਆਰੀਆਂ ਨੂੰ ਲਵ ਯੂ।
ਸਾਡੇ ਵਲੋ ਸਾਰੀਆਂ ਨੂੰ ਲਵ ਯੂ।
ਮਾਣ ਤੇ ਗਰੂਰ ਵਿਚ ਰਹਿੰਦੀਆਂ,
ਘੂਰਦੀਆਂ ਉੱਠਦੀਆਂ ਬਹਿੰਦੀਆਂ।
ਪਿਆਰ ਦੀਆਂ ਅਜ਼ਲੋਂ ਪਿਆਸੀਆਂ,
ਵਿੱਚੋਂ-ਵਿੱਚ ਧੁੱਖਦੀਆਂ ਰਹਿੰਦੀਆਂ।
ਉਹਨਾਂ ਵੀ ਵਿਚਾਰੀਆਂ ਨੂੰ ਲਵ ਯੂ ।
ਮੇਰੇ ਵੱਲੋਂ ਸਾਰੀਆਂ ਨੂੰ ਲਵ ਯੂ।
