ਉਹ ਖ਼ੁਦਾ-ਏ-ਇਸ਼ਕ ਹੁੰਦਾ,
ਜੋ ਜਿੰਦ ਸੱਜਣ ਨਾਮ ਕਰ ਦਵੇ।
ਉਹ ਰਾਂਝਾ ਜੋਗੀ ਇਸ਼ਕ ਹੁੰਦਾ,
ਜੋ ਹੀਰ ਨੂੰ ਵੰਝਲੀ ਬਣਾ ਦਵੇ।
ਇਸ਼ਕੇ ਦਾ ਢੋਂਗ ਹਰ ਕੋਈ ਕਰਦਾ,
ਸੱਚਾ ਇਸ਼ਕ ਖ਼ੁਦਾ ਨੂੰ ਮਿਲਾ ਦਵੇ।
ਨਿਸ਼ਾਨੀ ਇਸ਼ਕੇ ਦੀ ਰੋਗੀ ਹੋ ਜਾਣਾ,
ਜੋ ਯਾਰ ਨੂੰ ਖ਼ੁਦਾ ਬਣਾ ਦਵੇ।
ਰੱਬ ਮਨਾਉਣਾ ਹੋਵੇ ਤਾਂ ਯਾਰ ਮਨਾਉਣਾ ਪੈਂਦਾ,
ਰੁੱਸਿਆ ਯਾਰ ਮਨਾਉਣਾ ਸੌਖਾ ਨਹੀਂ।
ਕੀਤੀ ਯਾਰ ਦੀ ਪੂਜਾ ਰੱਬ ਦੀ ਪੂਜਾ,
ਫੇਰ ਰੱਬ ਮਨਾਉਣਾ ਔਖਾ ਨਹੀਂ।
ਆਸ਼ਕ ਮੰਗਤਾ ਯਾਰ ਦੇ ਦਰ ਦਾ,
ਦੁਨੀਆਂ ਲਈ ਆਸ਼ਕ ਮਜ਼ਾਕ ਹੁੰਦਾ।
ਜੇ ਇਸ਼ਕ ਹੀ ਝੂਠਾ ਮੈਂ ਕੀਤਾ ਲੋਕੋ,
ਮੇਰਾ ਰੋਣਾ ਨਾ ਇੰਝ ਖ਼ੁਦਾ ਹੁੰਦਾ।
ਇਸ਼ਕ ਦੀ ਕਰਨੀ ਬੜੀ ਇਬਾਦਤ ਪੈਂਦੀ,
ਸ਼ੈਰੀ ਵਰਗਿਆਂ ਦੇ ਹੱਥ ਨਾ ਕੱਖ ਆਇਆ।
ਬਣਿਆ ਫਿਰਦਾ ਸੀ ਜਿਹੜਾ ਫ਼ਕੀਰ ਲੋਕੋ,
ਨਾ ਯਾਰ ਪਾਇਆ ਨਾ ਖ਼ੁਦਾ ਮੁੜ੍ਹ ਆਇਆ।
