ਇਸ਼ਕ ਹਕੀਕੀ ਹਾਂ ।
ਲਕੀਰਾਂ ਦਾ ਮੁਹਤਾਜ ਨਹੀ ।
ਕਿ ਪੰਡਤ ਵੇਖ ਕੇ ਦੱਸੂਗਾ ।
ਸਾਡਾ ਹੱਥ ਫੜ੍ਹ ਹੱਸੂਗਾ ।
ਮੈਂ ਕੋਈ ਸ਼ਾਜ ਬਾਜ਼ ਨਹੀ ।
ਯਾਰ ਆਪੇ ਭੱਜਾ ਆਵੇਗਾ ।
ਆ ਕੇ ਮੇਰੇ ਗਲ਼ ਲੱਗ ਜਾਵੇਗਾ ।
ਪਿਆਰ ਦੇ ਗੀਤ ਗਾਵਾਂਗੇ ।
ਅੱਖੀਆਂ ਵਿੱਚ ਮੁਸਕਰਾਵਾਂਗੇ ।
ਅਸੀਂ ਮਿਲ ਲੈਣਾ ਜੰਗਲ ਬੇਲੇ ।
ਸਾਡਾ ਕੋਈ ਤਖਤੋ ਤਾਜ਼ ਨਹੀ ।
ਇਸ਼ਕ ਹਕੀਕੀ ਹਾਂ ।
ਲਕੀਰਾਂ ਦਾ ਮੁਹਤਾਜ ਨਹੀ ।
ਪਿਆਰਾਂ 'ਤੇ ਮਲਾਲ ਏ ।
ਸੱਜਣ ਦਾ ਹੀ ਖ਼ਿਆਲ ਏ ।
ਉਹ ਮੇਰੇ ਸਾਹਾਂ ਵਿੱਚ ਵੱਸਦਾ ।
ਰਹਿੰਦਾ ਮੇਰੇ ਨਾਲ ਨਾਲ਼ ਹੈ ।
ਉਹ ਮੇਰਾ ਤੇ ਮੈਂ ਉਸਦਾ ।
ਕੋਈ ਵੀ ਧੋਖੇਬਾਜ਼ ਨਹੀ ।
ਇਸ਼ਕ ਹਕੀਕੀ ਹਾਂ ।
ਲਕੀਰਾਂ ਦਾ ਮੁਹਤਾਜ ਨਹੀ ।
ਅਸੀਂ ਜ਼ਾਤਾਂ ਨੂੰ ਨਹੀ ਮੰਨਦੇ ।
ਪਿਆਰ ਲਈ ਖ਼ੈਰ ਨਹੀ ਮੰਗਦੇ ।
ਗੁਵਾਹ ਤਾਂ ਰੁੱਖ ਸੀ ਸਾਡੇ ।
ਜਿੱਥੇ ਰਹੇ ਹੰਝੂ ਅਸੀਂ ਟੰਗਦੇ ।
ਮੰਨਦੇ ਰੀਤੀ ਰਿਵਾਜ਼ ਨਹੀ ।
ਇਸ਼ਕ ਹਕੀਕੀ ਹਾਂ ।
ਲਕੀਰਾਂ ਦਾ ਮੁਹਤਾਜ ਨਹੀ ।
