ਇਹ ਬਣਦੇ ਸਹਾਰੇ,
ਇਹ ਲੱਗਣ ਬੇਚਾਰੇ,
ਇਹ ਸੜਕਾਂ 'ਤੇ ਉੱਗਦੇ,
ਪਿਆਰਾਂ ਦੇ ਮਾਰੇ।
ਜੇ ਰੁੱਖਾਂ ਦੀ ਸੁਣਦੇ ਤਾਂ ਚਲਦੇ ਨਾ ਆਰੇ।
ਇਹ ਸਾਥੀ ਨੇ ਸਾਡੇ,
ਇਹ ਬੇਲੀ ਨੇ ਸਾਡੇ,
ਇਹ ਵੀ ਹੱਕ ਰੱਖਦੇ,
ਨੇ ਧਰਤੀ ਤੇ ਸਾਰੇ।
ਜੇ ਰੁੱਖਾਂ ਦੀ ਸੁਣਦੇ ਤਾਂ ਚਲਦੇ ਨਾ ਆਰੇ।
ਇਹ ਪੈਰਾਂ ਤੋ ਵਾਝੇਂ,
ਇਹ ਸੈਰਾਂ ਤੋ ਵਾਝੇਂ,
ਇਹ ਮੰਗਦੇ ਨਾ ਰੋਟੀ,
ਨਾ ਦੱਸਦੇ ਵੇਚਾਰੇ।
ਜੇ ਰੁੱਖਾਂ ਦੀ ਸੁਣਦੇ ਤਾਂ ਚਲਦੇ ਨਾ ਆਰੇ।
ਇਹ ਸਾਹਾਂ ਨੇ ਦੇਂਦੇ,
ਗਲ਼ ਬਾਹਾਂ ਨੇ ਦੇਂਦੇ,
ਹਵਾਂਵਾਂ ਦੇ ਰਾਖੇ,
ਇਹ ਖੁਦ ਵੀ ਨੇ ਹਾਰੇ।
ਜੇ ਰੁੱਖਾਂ ਦੀ ਸੁਣਦੇ ਤਾਂ ਚਲਦੇ ਨਾ ਆਰੇ।
ਇਹਨਾਂ ਨੂੰ ਨਾ ਚੀਰੋ,
ਸੁਣੋ ਮੇਰੇ ਵੀਰੋ,
ਇਹ ਦੁਨੀਆਂ ਦੇ ਰਾਖੇ,
ਸੁੱਖੇ ਕਰਦੇ ਇਸ਼ਾਰੇ,
ਜੇ ਰੁੱਖਾਂ ਦੀ ਸੁਣਦੇ ਤਾਂ ਚਲਦੇ ਨਾ ਆਰੇ।
