ਉੱਡਦੇ ਵਰੋਲਿਆਂ 'ਚ ਵਿੱਚ ਮਾਰੂਥਲ ਦੇ।
ਲੱਭਦੇ ਹਾਂ ਪੈੜਾਂ ਦੇ ਨਿਸ਼ਾਨ ਸਾਡੇ ਵੱਲ ਦੇ।।
ਜੋਰ ਅਜਮਾਇਸ਼ ਕਰੀ ਜਾਂਵਦਾ ਤੁਫਾਨ ਏ।
ਡਿੱਗਣਾਂ ਤੇ ਖੜ੍ਹੇ ਹੋਣਾ ਅਸਾਂ ਦੀ ਪਛਾਣ ਏ।।
ਲੜਾਂਗੇ ਹਾਂ ਜਿੰਨਾਂ ਚਿਰ ਜਾਨ ਵਿੱਚ ਜਾਨ ਏ।।
ਲੜਾਂਗੇ ਹਾਂ ਜਿੰਨਾਂ ਚਿਰ ਜਾਨ ਵਿੱਚ ਜਾਨ ਏ।।
ਔਕੜਾਂ ਨੇ ਰਾਹੀਂ ਭਾਵੇਂ ਮੰਜਿਲਾਂ ਵੀ ਦੂਰ ਨੇ।
ਥਕੀਆਂ ਨਹੀਂ ਆਸਾਂ, ਪਿੰਡੇ ਭਾਵੇਂ ਚੂਰੋ ਚੂਰ ਨੇ।।
ਬਾਲਾਂਗੇ ਚਿਰਾਗ ਹਾਂ ਹਨੇਰੀਆਂ ਦੇ ਵਿੱਚ ਵੀ।
ਚਿਹਰਿਆਂ ਤੇ ਆਉਣ ਦੇਣੀ ਰਤਾ ਨਾਂ ਥਕਾਨ ਏ।।
ਲੜਾਂਗੇ ਹਾਂ ਜਿੰਨਾਂ ਚਿਰ ਜਾਨ ਵਿੱਚ ਜਾਨ ਏ।।
ਲੜਾਂਗੇ ਹਾਂ ਜਿੰਨਾਂ ਚਿਰ ਜਾਨ ਵਿੱਚ ਜਾਨ ਏ।।
ਜੇਠ ਹਾੜ ਦੀਆਂ ਧੁੱਪਾਂ ਵਿੱਚ ਰੜ੍ਹੇ ਹੋਏ ਆਂ
ਤਾਰਿਆਂ ਦੀ ਛਾਂਵੇ ਚਾਂਦਨੀ 'ਚ ਪੜ੍ਹੇ ਹੋਏ ਹਾਂ
ਸੱਚ ਜਾਣੀਂ ਐਨੇ ਸੌਖੇ ਵੀ ਨੀ ਖੜ੍ਹੇ ਹੋਏ ਹਾਂ
ਲੇਖਾਂ ਨਾਲ ਲੜੇ ਹਾਂ, ਬਣਾਉਣੀ ਪਹਿਚਾਨ ਏ
ਲੜਾਂਗੇ ਹਾਂ ਜਿੰਨਾਂ ਚਿਰ ਜਾਨ ਵਿੱਚ ਜਾਨ ਏ।।
ਲੜਾਂਗੇ ਹਾਂ ਜਿੰਨਾਂ ਚਿਰ ਜਾਨ ਵਿੱਚ ਜਾਨ ਏ।।
