ਜੋ ਹੋਈਆਂ ਗਲਤੀਆਂ ਬਖਸ਼ੀਂ ਤੇ ਭੁੱਲਾਂ ਮਾਫ ਕਰ ਛੱਡੀਂ ।
ਮੇਰਾ ਕਾਤਿਲ ਵੀ ਮੁਨਸਫ਼ ਵੀ, ਤੂੰ ਖ਼ੁਦ ਇਨਸਾਫ ਕਰ ਛੱਡੀਂ ।
ਤੂੰ ਦੇਖੀਂ ਭੁੱਲ ਨਾ ਜਾਵੀਂ ਕਦੇ ਰੂਹਾਂ ਦਾ ਇਹ ਰਿਸ਼ਤਾ
ਤਨਾਂ ਦੇ ਸੰਸਿਆਂ ਨੂੰ ਤੂੰ ਮਨਾਂ 'ਚੋਂ ਸਾਫ ਕਰ ਛੱਡੀਂ ।
ਮੈਂ ਆਵਾਂਗੀ ਤੇਰੇ ਦਰ 'ਤੇ ਕਰਾਂਗੀ ਨਿਉਂ ਕੇ ਸਜ਼ਦਾ ਵੀ
ਤੂੰ ਖ਼ਾਬਾਂ ਦੇ ਘਰੌਂਦੇ ਨੂੰ ਜਰਾ ਕੋਹ-ਕਾਫ਼ ਕਰ ਛੱਡੀਂ।
ਇਹ ਦਰਦਾਂ ਨਾਲ ਉਸਰੇ ਪਰਬਤਾਂ ਨੇ ਪਿਘਲ ਜਾਣਾ ਹੈ
ਗ਼ਮਾਂ ਦੇ ਪਾਣੀਆਂ ਨੂੰ ਹੁਣ ਉਡਾ ਕੇ ਭਾਫ ਕਰ ਛੱਡੀਂ ।
ਘਟਾਵਾਂ ਕਾਲੀਆਂ ਨੂੰ ਸੋਨ ਕਿਰਨਾਂ ਦੀ ਕਿਨਾਰੀ ਲਾ
ਤੇ ਮੇਰੀ ਓੜਨੀ ਨੂੰ ਸੋਚ ਦੀ ਸੰਜਾਫ ਕਰ ਛੱਡੀਂ ।
