ਕਾਫ਼-ਕਦੀ ਯਾਰ ਵੇ ਯਾਰ ਜੇ ਮਾਰਨਾ ਈ
ਐਵੇਂ ਲੋਰੀਆਂ ਦੇ ਨਾਲ ਸਹਮਾ ਨਹੀਂ ।
ਕਦੀ ਮਾਰਨਾ ਈ ਤੇ ਤਾਰ ਵੇ ਜ਼ਾਲਿਮ
ਨਾਹੀਂ ਤੇ ਮਾਰ ਜਿਵਾ ਨਹੀਂ ।
ਧਰੂਹ ਇਰਾਕੀ ਤੇ ਲਾ ਮੈਂਡੇ ਤਨ
ਬਿਜਲੀ ਵਾਂਗ ਤਕਾ ਨਹੀਂ ।
ਤਾਰਨਾ ਈ ਤੇ ਤਾਰ ਵੇ ਸਾਹਿਬ
ਠਾਠੀਂ ਵਿੱਚ ਲੁੜ੍ਹਾ ਨਹੀਂ ।
ਕਦੀ ਖੋਲ੍ਹ ਤਨੀ ਮਿੱਠਾ ਬੋਲ ਮੂੰਹੋਂ
ਐਵੇਂ ਨਾਜ਼ਾਂ ਨਾਲ ਧਮਾ ਨਹੀਂ ।
ਸਾਈਂ ਸੱਚਾ ਪਾਕ ਖੁਦਾ ਹੈਂ ਤੂੰ ਹੈਂ
ਤੈਂਡੇ ਬਾਹਜ ਕੋਈ ਹੋਰ ਖੁਦਾ ਨਹੀਂ ।
ਤੂੰ ਉਪਰ ਸੂਰਜ ਦੀਵੇ ਤਾਹੀਂ
ਚਾ ਵਧਾ ਵਧਾ ਨਹੀਂ ।
ਬੱਸ ਵੇ ਹੈਦਰ ਰੋ ਨਹੀਂ,
ਤੂੰ ਬਲਦੀ ਤੇ ਤੇਲ ਪਾ ਨਹੀਂ ।੩।
