ਕਈ ਮਾਸੂਮ ਜਿੰਦਗੀਆਂ ਨੂੰ ਰਾਖ ਕਰ ਛੱਡਦੀ ਏ,
ਘਰਾਂ ਨੂੰ ਫੂਕਦੀ ਇਸ਼ਕੇ ਦੀ ਤਪਸ ਨੂੰ ਵੇਖਿਆ।
ਮਣਾਂ-ਮੂੰਹੀਂ ਬੇਚੈਨੀਆਂ ਤੇ ਟੈਨਸਨਾਂ ਨਾਲ ਲੱਦਿਆ ਏ,
ਬੜੇ ਗੌਰ ਨਾਲ ਮੈਂ ਹਰ ਇੱਕ ਸਖਸ ਨੂੰ ਵੇਖਿਆ।
ਕਣ-ਕਣ ਚ ਮੁਹੱਬਤ ਤੁੰਨ-ਤੁੰਨ ਕੇ ਭਰੀ ਹੋਈ ਏ,
ਦਿਲ ਨਾਲ ਟੋਹਕੇ 'ਉਹ' ਦੇ ਹਰ ਨਕਸ ਨੂੰ ਵੇਖਿਆ।
ਸੇਵਾ-ਸੇਵਾ ਦਾ ਹੋਕਾ ਦੇ ਕੇ ਆਪਣਾ ਬਿਜਨੇਸ ਕਰਦੇ ਨੇ,
ਗੰਦੇ ਲੀਡਰਾਂ ਦੇ ਸੁਆਰਥੀ ਲਕਸ਼ ਨੂੰ ਵੇਖਿਆ।
ਕਮੀਆਂ, ਕਮਜੋਰੀਆਂ, ਗਮਾਂ ਦੇ ਦਾਗ ਸਾਫ ਨਜ਼ਰ ਆਏ,
ਸਿੱਧੂ' ਸ਼ੀਸ਼ੇ ਚ ਜਦ ਮੈਂ ਆਪਣੇ ਅਕਸ ਨੂੰ ਵੇਖਿਆ।
