ਹੱਸਣਾ ਛੱਡ 'ਕੇ ਰੌਣਾ ਸਿੱਖ ਲੈ,
ਪਾਉਣਾ ਛੱਡ 'ਕੇ ਗਵਾਉਣਾ ਸਿੱਖ ਲੈ।
ਸੁਣਨਾ ਛੱਡ 'ਕੇ ਲਿਖਣਾ ਸਿੱਖ ਲੈ, ਬਣ ਜਾ ਤੂੰ ਲਿਖਾਰੀ ਓਏ।
* ਕੋਈ ਕਿੱਸਾ ਸੁਣਾ ਦੇ ਟੁੱਟੇ ਆਸ਼ਕ ਦਾ,
ਕਲਮੇ ਕਰੀਂ ਨਾ ਰੂਹ ਨਾਲ ਗ਼ੱਦਾਰੀ ਓਏ।
ਐਵੇਂ ਚੁੱਪ ਚਾਪ ਨਾ ਰਿਹਾ ਕਰ,
ਥੋੜ੍ਹਾ ਦਰਦ ਤੂੰ ਵੀ ਤਾਂ ਸਹਿਆ ਕਰ।
ਐਵੇਂ ਟੁੱਟ ਟੁੱਟ ਨਾ ਪਿਆ ਕਰ, ਲਫ਼ਜ਼ਾਂ ਦੀ ਬਣ ਜਾ ਭਿਖਾਰੀ ਓਏ।
* ਕੋਈ ਕਿੱਸਾ ਸੁਣਾ ਦੇ ਟੁੱਟੇ ਆਸ਼ਕ ਦਾ,
ਕਲਮੇ ਕਰੀਂ ਨਾ ਰੂਹ ਨਾਲ ਗ਼ੱਦਾਰੀ ਓਏ।
ਥੋੜ੍ਹੀ ਇੱਜ਼ਤ ਜਿਹੀ ਤਾਂ ਬਣਾ ਲੈ ਤੂੰ,
ਗੋਰ 'ਚੋਂ ਕੱਢਕੇ ਲੈ ਜਾ ਮੇਰੀ ਰੂਹ।
ਲੋਕੀ ਲੈਂਦੇ ਫਿਰਦੇ ਮੇਰੀ ਸੂਹ, ਸ਼ੈਰੀ ਕਲਮ ਕਿੱਦਾਂ ਨਿਖਾਰੀ ਓਏ।
* ਕੋਈ ਕਿੱਸਾ ਸੁਣਾ ਦੇ ਟੁੱਟੇ ਆਸ਼ਕ ਦਾ,
ਕਲਮੇ ਕਰੀਂ ਨਾ ਰੂਹ ਨਾਲ ਗ਼ੱਦਾਰੀ ਓਏ।
