ਮੇਰੇ ਨੇੜੇ ਨਾ ਆਉੁਣਾ ।
ਮੈਂ ਕੋਈ ਹਰਿਆ-ਭਰਿਆ ਬਾਗ ਨਹੀਂ ।
ਮੈਂ ਬੰਜ਼ਰ ਧਰਾਤਲ 'ਤੇ ਗਰਮ ਰੇਗਿਸਤਾਨ ਹਾਂ ।
ਮੇਰੀ ਹਿੱਕ 'ਚ ਕੋਮਲ ਫ਼ੁੱਲ ਨਹੀਂ ਉੁੱਗਦੇ ।
ਐਥੇ ਕੰਡਿਆਂ ਵਾਲ਼ੇ ਕੈਕਟਸ ਉੁੱਗਦੇ ਨੇ ।
ਮੈਂ ਮੋਹ ਭਰੀਆਂ ਗੱਲਾਂ ਨਹੀਂ ਕਰਦਾ ।
ਮੈਂ ਸਦਾ ਮੋਹ ਤੋੜਵੀਆਂ ਗੱਲਾਂ ਕਰਦਾਂ ।
ਮੇਰੇ ਨਾਲ਼ ਰਿਸ਼ਤਾ ਨਾ ਬਣਾਓ ।
ਮੈਂ ਰਿਸ਼ਤਿਆਂ ਦੀ ਕਦਰ ਕਰਦਾਂ ਪਰ
ਰਿਸ਼ਤੇ ਅਕਸਰ ਟੁੱਟਣ 'ਤੇ ਲੱਕ ਤੋੜ ਜਾਂਦੇ ਨੇ ।
ਮੈਨੂੰ ਅਕਸਰ ਸਖ਼ਤ ਹੋਣ ਦਾ ਦਿਖਾਵਾ ਕਰਨਾ ਪੈਂਦਾ ਐ ।
ਤੇ ਮੈਂ ਝੂਠਾ ਹੱਸਦਾ ਹਾਂ ਜਿਵੇਂ ਮੈਨੂੰ ਕੋਈ ਫ਼ਰਕ ਨਹੀਂ ।
ਕਿਸੇ ਦੇ ਹੋਵਣ ਜਾਂ ਨਾ ਹੋਵਣ ਦਾ ।
ਫ਼ਰਕ ਤਾਂ ਹਰੇਕ ਨੂੰ ਪੈਂਦਾ ਐ ।
ਭਾਵਨਾਵਾਂ ਹਰੇਕ ਦੇ ਅੰਦਰ ਹੁੰਦੀਆਂ ਹਨ ।
ਕਿਸੇ ਨਾਲ ਮੋਹ 'ਚ ਬੰਨ੍ਹੇ ਜਾਣਾ ਕਈ ਵਾਰ
ਕਾਫ਼ੀ ਦਰਦਮਈ ਸਾਬਿਤ ਹੁੰਦਾ ਐ ।
ਓਦੋਂ ਜਦੋਂ ਉਹ ਮੋਹ ਦੀਆਂ ਤੰਦਾਂ ਤੋੜ ਕੇ ਖ਼ੁਦ ਨੂੰ ਅਜ਼ਾਦ ਕਰ ਲਵੇ ।
ਤੇ ਅਸੀਂ ਜੋ ਪਿੰਜ਼ਰੇ 'ਚ ਬੰਦ ਪੰਛੀ ਸਾਂ ।
ਅਜ਼ਾਦ ਹੋਣ 'ਤੇ ਘਰ ਢਹੇ ਜਾਣ ਵਾਂਗ
ਬੇਘਰ ਹੋ ਏ ਪ੍ਰਤੀਤ ਕਰਦੇ ਹਾਂ ।
