ਕੇਸ ਕਿੱਥੇ ਲਾਵਾਂ?
ਜੋ ਤੂੰ ਕੀਤੀ ਬੇਵਫ਼ਾਈ ਆ ।
ਕਚਹਿਰੀ ਲਿਖਤਾਂ ਮੰਗਦੀ ਏ,
ਥਾਣੇ ਸਬੂਤ ਮੰਗਦੇ ਨੇ ।
ਕਰਦੇ ਸੀ ਜੋ ਸਜਦੇ,
ਤੈਨੂੰ ਤੇ ਮੈਨੂੰ ਵੇਖ ਕੇ ।
ਵਿਗੜੇ ਹਾਲਾਤ ਵੇਖ ਕੇ,
ਕਰ ਮਜ਼ਾਕ ਲੰਘਦੇ ਨੇ ।
ਚੁੱਪ ਵੱਟਣਾ ਚਾਹੇ,
ਮੇਰੀ ਮਜ਼ਬੂਰੀ ਏ ਸੱਜਣਾ ।
ਤਰਸ ਖਾਵਣ ਲੱਗੇ ਮੈਥੋਂ,
ਮੇਰੇ ਹਾਲਾਤ ਸੰਗਦੇ ਨੇ ।
ਕਰ ਉਸ ਰਜ਼ਾ ਨੂੰ ਸਜਦਾ,
ਕੀਤਾ ਹੈ ਤਾਂ ਪਰਦਾ ।
ਹਾਲਾਤ ਦਿੱਤੇ ਤੇਰੇ ਸੱਜਣਾ,
ਅਸਾਂ ਨੂੰ ਛਿੱਕੇ ਟੰਗਦੇ ਨੇ ।
ਤੇ, ਬੇਜ਼ਮੀਰੇ ਥੋੜੀ ਹਾਂ, ਜੋ
ਤੇਰੇ ਮਰਨੇ ਦੀ ਸੁੱਖ ਮੰਗੀਏ ।
ਸਰਬ ਮਰਜੀਵੜੀ ਸੱਜਣਾ,
ਰਹੇ ਆਪਣੇ ਹੀ ਡੰਗਦੇ ਨੇ ।
