ਕੀ ਸਿੱਖਾਂ ਤੇ ਕੀ ਗਾਵਾਂ ਮੈਂ, ਕਿੰਝ ਦਿੱਤਾ ਦਰਦ ਹੰਢਾਵਾਂ ਮੈਂ।
ਕੀ ਸੋਚਾਂ ਤੇ ਕੀ ਲਿਖਾਂ ਮੈਂ, ਕੀ ਗਵਾ ਬੈਠਾ ਤੇ ਕੀ ਪਾਵਾਂ ਮੈਂ।
ਤੂੰ ਦੂਰ ਹੋਈ ਤੇ ਰੱਬ ਰੁੱਸਿਆ, ਦੱਸ ਕਿਹੜੇ ਕਬਰੀਂ ਜਾਵਾਂ ਮੈਂ।
ਟੁੱਟੇ ਤਾਰੇ ਵਾਂਗ ਰੁਲ ਚੱਲਿਆ, ਮੁੜ ਕੰਡਿਆਂ ਤੇ ਜਿੰਦ ਆਵਾਂ ਮੈਂ।
ਮੇਰਾ ਦਿਲ ਟੁੱਟਿਆ ਕਿਸੇ ਕੀ ਪਤਾ, ਲੋਕਾਂ ਲਈ ਮਜ਼ਾਕ ਬਣ ਜਾਵਾਂ ਮੈਂ।
ਮੈਂ ਰੋਂਦਾ ਰੋਂਦਾ ਤੇਰੇ ਰਾਹਾਂ 'ਚ, ਬਣ ਫ਼ਕੀਰ ਪਾ ਮੁੰਦਰਾਂ ਆਵਾਂ ਮੈਂ।
ਕੀ ਲਿਖਾਂ ਦੱਸ ਤੇਰੇ ਨਾਮ 'ਤੇ, ਬਣਾ ਲਹੂ ਦੀ ਸਿਆਹੀ ਲਿਆਵਾਂ ਮੈਂ।
ਕਰ ਇਕੱਠੀਆਂ ਲੱਕੜਾਂ ਚਾਰ ਕੁੜੇ, ਬਹਿ ਵਿੱਚ ਕਲਮ ਬਣਾਵਾਂ ਮੈਂ।
ਜੇ ਯਾਦ ਆਈ ਕਦੇ ਮੇਰੀ ਤੈਨੂੰ, ਬਣ ਤਾਰਾ ਤੇਰੇ ਕੋਲ ਆਵਾਂ ਮੈਂ।
ਮਰ ਮੁੱਕਿਆ ਸ਼ੈਰੀ ਖ਼ਤਮ ਹੋਇਆ, ਕਿਉਂ ਪਾਉਣਾ ਤੈਨੂੰ ਚਾਹਵਾਂ ਮੈਂ।
ਤੈਨੂੰ ਰੂਹ ਦਿੱਤੀ ਤੇ ਰੱਬ ਭੁੱਲਿਆ, ਦੱਸ ਕਿੱਦਾਂ ਤੈਨੂੰ ਭੁੱਲ ਜਾਵਾਂ ਮੈਂ।
ਲੱਖ ਵਾਰੀ ਰੁੱਸਿਆ ਖੁਦਾ ਮਨਾਇਆ, ਕਿੰਝ ਰੁੱਸਿਆ ਯਾਰ ਮਨਾਵਾਂ ਮੈਂ।
