ਕੀ ਤਿੱਤਰ ਕੀ ਮੋਰ ਨੇਂ ਸਾਰੇ
ਖੰਬਾਂ ਪਿੱਛੇ ਚੋਰ ਨੇਂ ਸਾਰੇ
ਢਿੱਡ ਕੁਰਸੀ ਤੇ ਨਾਂ ਤੋਂ ਹਟ ਕੇ
ਦੱਸੋ ਕਾਹਦੇ ਸ਼ੋਰ ਨੇਂ ਸਾਰੇ
ਅਕਲਾਂ ਨਹੀਂ ਘਾਹ ਚਰਨੇ ਛੱਡੇ
ਤਾਂ ਤੇ ਅੱਜ ਵੀ ਢੋਰ ਨੇਂ ਸਾਰੇ
ਤੂੰ ਐਂ ਖੰਡ ਪਤਾਸਾ ਮਤਲਬ
ਬਾਕੀ ਤੇ ਫ਼ਿਰ ਭੌਰ ਨੇਂ ਸਾਰੇ
ਜਿੰਨੇ ਵੀ ਨੇਂ ਜਿਹੜੇ ਵੀ ਨੇਂ
ਰੰਗ ਹਾਲੇ ਕਮਜ਼ੋਰ ਨੇਂ ਸਾਰੇ
ਚੜ੍ਹਦਿਓਂ ਲੈ ਕੇ ਲਹਿੰਦੇ ਤੀਕਰ
ਕੰਮ ਈ ਹੋਰ ਦੇ ਹੋਰ ਨੇਂ ਸਾਰੇ
ਵਧਣਾ ਈ ਸੀ ਕੂੜ ਚੁਫ਼ੇਰੇ
ਗੁੜ ਜੋ ਦਿੱਤੇ ਖੁਰ ਨੇਂ ਸਾਰੇ
ਸਮਝ ਨਹੀਂ ਆਉਂਦੀ ਇਕ ਦੂਜੇ ਦੀ
ਟੁਰਦੇ ਪਏ ਕਿਉਂ ਟੂਰ ਨੇਂ ਸਾਰੇ
ਨਾਵਾਂ ਦੇ ਈ ਨੇੜ ਨੇਂ 'ਸੰਧੂ'
ਅੰਦਰੋਂ ਚੰਨ ਚਕੋਰ ਮੈਂ ਸਾਰੇ
