ਕਿਸੇ ਦੀ ਭਾਲ 'ਚ ਬੀਤੇ, ਅਸਲ ਸਮਾਂ ਤਾਂ ਉਹ,
ਕਿਸੇ ਦੀ ਬਾਹਾਂ 'ਚ ਬੀਤੇ, ਉਹਨੂੰ ਸਮਾਂ ਨ ਕਹੋ।
ਐਵੇਂ ਗ਼ਰੂਰ 'ਚ ਆਏਗਾ ਬਿਜਲੀਆਂ ਵਾਲਾ,
ਕੁਝ ਹੋਰ ਚੀਜ਼ ਹੈ ਨੀਲੇ ਨੂੰ ਆਸਮਾਂ ਨ ਕਹੋ ।
ਸਮਝ ਕੇ ਸੋਚ ਕੇ ਬੋਲੋ ਕੁਫ਼ਰ ਤੋਂ ਤੋਬਾ ਕਰੋ,
ਖ਼ੁਦਾ ਮੈਂ ਆਪ ਹਾਂ ਮੈਨੂੰ ਖ਼ੁਦਾ-ਨੁਮਾ ਨ ਕਹੋ।
ਤੁਹਾਡੀ ਮਰਜ਼ੀ ਸਿਤਾਰੇ ਨੂੰ ਕਹਿ ਲਵੋ ਜੁਗਨੂੰ,
ਮੈਂ ਸੂਰਜਾਂ ਦਾ ਦਹਾਨਾ, ਮੈਨੂੰ ਸ਼ਮਾਂ ਨ ਕਹੋ ।
ਜੋ ਲਾਸ ਬਾਕੀ ਹੈ ਪਿੰਡੇ ਤੇ ਪਾ ਲਵੋ ਮੇਰੇ,
ਮੇਰਾ ਗ਼ਰੂਰ ਨ ਲੁੱਟੋ ਮੈਨੂੰ ‘ਖਿਮਾ’ ਨ ਕਹੋ ।
ਕੋਈ ਮੈਂ ਸ਼ਾਹ ਤਾਂ ਨ੍ਹੀਂ ਬਣ ਜਾਣਾ ਤੇਰਾ ਦਿਲ ਲੈ ਕੇ,
ਹੈ ਦਿਲ ਚੁਰਾਉਣ ਦੀ ਆਦਤ ਇਨੂੰ ਤਮਾਂ ਨ ਕਹੋ ।
