ਬੱਚਾ ਕੋਰਾ ਕਾਗਜ਼, ਕੋਰਾ ਸਫਾ,
ਜੋ ਕੁਝ ਮਰਜ਼ੀ ਲਿਖ ਲੈਣ,
ਮਾਪੇ ਆਪਣੀ ਕਲਮ ਨਾਲ,
ਕੁਝ ਮਾਪੇ,
ਬੱਚੇ ਦੀ ਸੁੰਨਤ ਕਰਵਾ ਦਿੰਦੇ ਨੇ,
ਤੇ ਬੱਚੇ ਤੇ ਮੁਸਲਮਾਨ ਦਾ ਠੱਪਾ ਲਾ ਦਿੰਦੇ,
ਤੇ ਕੁਝ ਮਾਪੇ,
ਬੱਚੇ ਦਾ ਮੁੰਡਨ ਕਰਵਾ ਕੇ,
ਹਿੰਦੂ ਦਾ ਠੱਪਾ ਲਾ ਦਿੰਦੇ।
ਕਹਿਣ ਤੋਂ ਮਤਲਬ,
ਸਭ ਮਾਪੇ,
ਇਹਨਾਂ ਕੋਰੇ ਕਾਗਜ਼ਾਂ ਤੇ,
ਧਰਮਾਂ ਦੇ ਕਾਲੇ ਅੱਖਰ,
ਲਿਖ ਹੀ ਦਿੰਦੇ ਨੇ।
ਵਿਰਲੇ ਮਾਪੇ ਦੁਨੀਆਂ ਤੇ,
ਜੋ ਇਹਨਾਂ ਦੁੱਧ ਵਰਗੇ ਕਾਗਜ਼ਾਂ ਤੇ,
ਇਨਸਾਨ, ਇਨਸਾਨੀਅਤ ਜਿਹੇ ਅੱਖਰ ਲਿਖ ਦੇ,
ਇਹ ਵਿਰਲੇ ਮਾਪੇ ਹੀ ਹੁੰਦੇ ਨੇ,
ਸਹੀ ਅਰਥਾਂ ਚ ਮਾਪੇ।
