ਮੇਰੇ ਅੰਦਰ ਪਿਆ ਖਿਲਾਰਾ
ਕਿਵੇਂ ਸੰਵਾਰਾ???
ਲੋਕੀ ਕਹਿਣ ਮੈਨੂੰ
ਹਾਂ ਮੈਂ ਪੰਜਾਬ ਅਵਾਰਾ
ਮੇਰੇ ਕੰਨ ਅੱਖਾਂ ਜੀਭਾਂ ਖਾ ਗਈਆਂ
ਇਹ ਆਦਮਖੋਰ ਸਰਕਾਰਾਂ
ਮੈਥੋ ਰੱਬ ਨੇ ਕੀ ਲੈਣੇ ਛਿੱਕਲੇ
ਮੇਰੇ ਪਾਲਕ ਵਿਨਾਸ਼ਕ ਨਿਕਲੇ
ਮੇਰੇ ਅੰਦਰ ਹੁਣ ਗੂੰਜਦੀਆਂ
ਨਿੱਤ ਘਰ ਘਰ ਹਾਹਂਕਾਰਾਂ
ਮੇਰੀ ਮਿੱਟੀ ਦੇ ਵਿੱਚ ਜ਼ਹਿਰਾਂ
ਪਾਣੀ ਤੇ ਲਾਸ਼ਾਂ ਦਾ ਪਹਿਰਾ
ਸਾਹ ਤਰਸੇ ਦਰੱਖਤਾਂ ਤਾਂਈ
ਪਈਆਂ ਸਖਤ ਮੈਨੂੰ ਮਾਰਾਂ
ਮੇਰੀ ਹਿੱਕ ਤੇ ਕੈਂਸਰ ਹੋਇਆ
ਖਜਾਨਚੀ ਫਾਇਨੈਂਸਰ ਹੋਇਆ
ਮੇਰੇ ਮਜ਼ਦੂਰ ਮਰਦੇ ਭੁੱਖੇ
ਲਵੇਂ ਕੌਣ ਮੈਂਡੀਆਂ ਸਾਰਾਂ ।
ਮੈਨੂੰ ਕੀਤਾ ਮਨਮੁੱਖ ਧਰਮਾਂ
ਪਾ ਕੇ ਪਾੜੇ ਨਾ ਕਰਦੇ ਸ਼ਰਮਾਂ
ਵੱਖੋਂ ਵੱਖਰੇ ਲੈਬਲ ਲਾ ਤੇ
ਤੂੰ ਦੀਨਾਂ ਮੈਂ ਸਰਦਾਰਾ ।
