ਧੋਬੀ ਮੈਨੂੰ ਧੋ ਦੇ ਦੁਪੱਟਾ ਯਾਰ ਦਾ।
ਪਿਰਮ ਨਗਰ ਘਰ ਖੁੰਬ ਚੜ੍ਹਾਈਂ,
ਦੰਗਾਲੀਂ ਨੈਣ ਇਸ਼ਕ ਦੀ ਖਾਰ ਦਾ।
ਨੈਣਾਂ ਦੀ ਟੋਭੀ ਵਿਚ ਦਰਦਾਂ ਦਾ ਪਾਣੀ,
ਸਾਬਣ ਮਲੀਂ ਇਸਤਗ਼ਫ਼ਾਰ ਦਾ।
ਤਨ ਦਾ ਪਟੜਾ ਜਿਥੇ ਮਾੜੀਂ ਪਰੀਤ ਦੀ,
ਮਾਇਆ ਲਾਈਂ ਬਹੁਤ ਪਿਆਰ ਦਾ।
ਹੱਥਾਂ ਤੇਰਿਆਂ ਵਿਚ ਕੀਮਤ ਬਾਜ਼ਾਰੀ,
ਮੋਂਧੇ ਯਾਰ ਦੇ ਦੁਹਦ ਹਜ਼ਾਰ ਦਾ।
ਰੋਕ ਰੁਪੱਯਾ ਤੈਨੂੰ ਡੇਸਾਂ ਮਜ਼ਦੂਰੀ,
ਮੇਲਾ ਡੇਖੂੰ ਸ਼ਾਹ ਮਦਾਰ ਦਾ।
ਯਾਰ ਦੀ ਬੁੱਕਲ ਮੈਂ ਦੁਪੱਟਾ ਮਰੇਸਾਂ
ਜੇਵੇਂ ਅਬਰ ਬਹਾਰ ਦਾ।
ਦਿੱਲੀ ਦੇ ਕੱਨੇ ਜੈਂਦੇ ਪਾਂਦ ਲਾਹੌਰ ਦੇ।
ਤਾਣਾ ਪੇਟਾ ਹੈ ਕਾਬਲ ਕੰਧਾਰ ਦਾ।
ਅਕਬਰ ਸ਼ਾਹ ਕਰੀਂ ਰੀਸ ਤਿਨਾਂਹ ਦੀ,
ਕਰਮ ਜਿਨ੍ਹਾਂ ਤੇ ਕਰਤਾਰ ਦਾ।
