ਮੈਨੂੰ ਆਸ ਸੀ ਤੂੰ ਮੁੜ ਆਏਂਗਾ,
ਮੈਨੂੰ ਆਸ ਸੀ ਤੂੰ ਆ ਗਲ ਨਾਲ ਲਾਏਂਗਾ।
ਇਹਨਾਂ ਆਸਾਂ ਦੇ ਸਹਾਰੇ ਸੀ ਸਾਹ ਮੇਰੇ,
ਮੈਨੂੰ ਦਿਲ ਆਪਣੇ ਦੀ ਧੜਕਣ ਬਣਾਏਂਗਾ।
ਇਹਨਾਂ ਆਸਾਂ ਵਿੱਚ ਕੁਝ ਸੱਚ ਸੀ,
ਸਿਰਫ਼ ਖ਼ੁਦਾ ਹੀ ਮੇਰਾ ਜਾਣਦਾ ਏ।
ਪਰ ਮੇਰਾ ਤਾਂ ਖ਼ੁਦਾ ਤੂੰ ਹੀ ਸੀ,
ਕੀ ਇਹ ਗੱਲ ਤੂੰ ਵੀ ਜਾਣਦਾ ਏ।
ਤੇਰੀ ਆਸ ਸੀ ਮੇਰੇ ਗੀਤਾਂ ਨੂੰ,
ਕਦੇ ਬੁੱਲਾਂ ਨਾਲ ਛੂਹ ਲਏਂਗਾ।
ਪੀੜ ਮੇਰੀ ਸੀ ਇਹਨਾਂ ਗੀਤਾਂ ਵਿੱਚ,
ਕਦੇ ਤੂੰ ਵੀ ਸੀਨੇ ਆਪਣੇ ਸਹੇਂਗਾ।
ਮੈਨੂੰ ਆਸ ਸੀ ਦਿਨ ਤੂੰ ਲੈ ਆਏਂਗਾ,
ਰਾਤਾਂ ਕਾਲੀਆਂ ਮੇਰੀਆਂ ਮੁਕਾ ਦਵੇਂਗਾ।
ਝੂਠੇ ਲਾਰੇ ਤੇਰੇ ਸੱਚ ਬਣ ਜਾਣੇ,
ਮੇਰੇ ਇਸ਼ਕੇ ਨੂੰ ਹੀ ਤੂੰ ਰੱਬ ਕਹੇਂਗਾ।
ਆਸ ਲੋਕਾਂ ਲਈ ਤਾਂ ਇੱਕ ਲਫ਼ਜ਼ ਹੋਣਾ,
ਪਰ ਮੇਰੇ ਲਈ ਸੀ ਇਹ ਸਾਹ ਵਾਂਗਰਾਂ।
ਤੈਨੂੰ ਦੇਖਣਾ ਗੱਲ ਕਰਨਾ ਮਹਿਸੂਸ ਕਰਨਾ,
ਇੱਕ ਪਲ ਵੀ ਸੀ ਮੈਨੂੰ ਖੁਆਬ ਵਾਂਗਰਾਂ।
ਮੈਨੂੰ ਆਸ ਸੀ ਉਸ ਰੱਬ 'ਤੇ,
ਜਿਹਨੇ ਤੈਨੂੰ ਸੋਹਣਾ ਬਣਾਇਆ ਹੋਣਾ।
ਆਸ ਸੀ ਸ਼ੈਰੀ ਨੂੰ ਕਲਮ ਤੋਂ
ਜਿਹਨੇ ਪੀੜਾਂ ਨਾਲ ਗੀਤ ਸਜਾਇਆ ਹੋਣਾ।
