ਮੈਨੂੰ ਕੱਲੀ ਵੇਖ ਨਾ ਤੱਕੀਂ ।
ਸਿਰ 'ਤੇ ਪੰਡ ਇੱਜ਼ਤਾਂ ਮਾਂ ਰੱਖੀ ।
ਠੁੱਡਾ ਵੱਜ ਨਾ ਡਿੱਗ ਜਾਵੇ ।
ਪਰ੍ਹਾਂ ਹਟ ਪਿੱਛੇ ਮੱਝਾਂ ਦੇ ਪਾਲੀ ।
ਵੇ ਵੱਟ ਤੋਂ ਪੈਰ ਨਾ ਤਿਲ੍ਹਕ ਜਾਵੇ ।
ਬੰਨ੍ਹੀ ਪੰਡ ਬਾਪ ਨੇ ਹੱਥੀਂ ।
ਮਾਂ ਹੱਥ ਪੁਆ ਸਿਰੇ ਮੇਰੇ ਰੱਖੀ ।
ਗੰਢ ਮੈਂ ਹੱਥੀਂ ਕੱਸ ਬੰਨ੍ਹੀ ।
ਜ਼ਮੀਂ ਪੱਬ ਬੋਚ ਬੋਚ ਧਰਾਂ ।
ਵੇ ਖੁੱਲ੍ਹ ਨਾ ਜਾਵੇ ਕੋਈ ਕੰਨੀ ।
ਪਿੰਡ ਵਿੱਚ ਵੀਰਾਂ ਦੀ ਸਰਦਾਰੀ ।
ਸਿਰ ਲੈ ਰੱਖੀ ਤਾਂ ਫੁਲਕਾਰੀ ।
ਮੇਰੀ ਜਿੰਦ ਉਹਨਾਂ ਤੋਂ ਵਾਰੀ ।
ਚਿੱਕੜ ਪੈਰ ਰੱਖਣ ਤੋਂ ਡਰਾਂ ।
ਵੇ ਇੱਜ਼ਤ ਗਈ ਨਾ ਮਿਲੇ ਉਧਾਰੀ ।
ਲੱਗੇਂ ਤੂੰ ਗੱਲਾਂ ਦਾ ਗਲਾੜੀ ।
'ਸਰਬ' ਨਾ ਵਿਗੜੂ ਨਾ ਵਿਗਾੜੀ ।
ਤੇਰੀ ਗੱਲ ਸਮਝ ਕੇ ਸਾਰੀ ।
ਤੈਨੂੰ ਵੀ ਸਮਝਾਉਂਦੀ ਹਾਂ ।
ਵੇ ਮਾਪਿਆਂ ਕਰੀਂ ਨਾ ਕਦੇ ਗ਼ੱਦਾਰੀ ।
