ਹਮੇਸ਼ਾ ਹੀ ਕੁਦਰਤ ਦੇ
ਅੰਗ ਸੰਗ ਰਹਿੰਦੇ ਨੈ
ਜਿੰਦਗੀ ਖੂਬਸੂਰਤ ਹੈ
ਪਿਤਾ ਜੀ ਕਹਿੰਦੇ ਨੇ ।
ਸਾਗਰ ਕਿਨਾਰੇ
ਉਦਾਸ ਜਦ ਹੁੰਦੀ ਹਾਂ
ਹੱਥਾਂ ਚ ਕਾਗਜ ਦੀ
ਕਿਸ਼ਤੀ ਜੁ ਦੇਂਦੇ ਨੇ
ਹੌਸਲਾ ਨਹੀਂ ਹਾਰੀ ਦਾ
ਪਾਣੀ ਹਮੇਸ਼ਾ
ਤੂਫਾਨਾਂ ਸੰਗ ਰਹਿੰਦੇ ਨੇ
ਪਿਤਾ ਜੀ ਕਹਿੰਦੇ ਨੇ ।
ਕਦੇ ਬੁਝ ਜਾਂਦੀ ਹਾਂ
ਹਨੇਰੇ ਤੋਂ ਡਰਦੀ ਹਾਂ
ਜੁਗਨੂੰ ਦਿਖਾਂਓਦੇ ਨੇ
ਤਾਰੇ ਚਮਕਦੇ ਵੀ
ਗਰਦਿਸ਼ 'ਚ ਰਹਿੰਦੇ ਨੇ
ਪਿਤਾ ਜੀ ਕਹਿੰਦੇ ਨੇ ।
ਸਿੱਪੀਆਂ ਲਿਆਉਂਦੇ ਨੇ
ਮੇਰੇ ਸਾਂਹਵੇ ਰੱਖਦੇ ਨੇ
ਕਈ ਭੇਦ ਦੱਸਦੇ ਨੇ
ਮੋਤੀ ਬਣ ਚਮਕੇ ਤੂੰ
ਫੁੱਲਾਂ ਜਿਹੀ ਮਹਿਕੇਂ ਤੂੰ
ਦੁਆ ਦੈਂਦੇ ਰਹਿੰਦੇ ਨੇ
ਪਿਤਾ ਜੀ ਕਹਿੰਦੇ ਨੇ ।
