ਸਾਹਿਬਾ ਕਹਿੰਦੀ ਗੱਲ ਸੁਣ ਮਿਰਜ਼ਿਆ ਓਏ,
ਇਹ ਸੰਸਾਰ ਖ਼ੁਦਾ ਨੇ ਸਿਰਜਿਆ ਓਏ।
ਹੱਥ ਜੋੜ ਕੇ ਮੰਗ ਲਵੀਂ, ਨਾ ਕਾਨ੍ਹੀਆਂ ਤੂੰ ਵੇ ਕੱਢੀ।
* ਮਿਰਜ਼ਿਆ ਮਾਰਿਆ ਜਾਏਂਗਾ, ਵੇ ਮੇਰੇ ਭਾਈਆਂ ਦੇ ਤੂੰ ਹੱਥੀਂ।
ਮਿਰਜ਼ਿਆ ਬਹੁਤਾ ਮਾਣ ਨਹੀਂ ਕਰੀਦਾ ਓਏ,
ਖ਼ੁਦਾ ਕੋਲੋਂ ਥੋੜ੍ਹਾ ਡਰੀਦਾ ਓਏ।
ਸਿਰ ਨੀਵਾਂ ਕਰ ਮੰਗ ਲਵੀਂ, ਫੇਰ ਸਾਹਿਬਾ ਆਪਣਾ ਤੂੰ ਸੱਦੀਂ।
* ਮਿਰਜ਼ਿਆ ਮਾਰਿਆ ਜਾਏਂਗਾ, ਵੇ ਮੇਰੇ ਭਾਈਆਂ ਦੇ ਤੂੰ ਹੱਥੀਂ।
ਮਿਰਜ਼ਾ ਕਹਿੰਦਾ ਸੁਣ ਸਾਹਿਬਾ, ਤੇਰੇ ਭਾਈ ਲੀਰੋ ਲੀਰ ਕਰ ਦੂੰ,
ਜਿਹੜਾ ਆਪਣੇ ਵਿੱਚ ਆ ਗਿਆ, ਉਹਦਾ ਸਿਰ ਧਰਤੀ 'ਤੇ ਧਰ ਦੂੰ।
ਸਾਹਿਬਾ ਤਰਲੇ ਪਾਉਂਦੀ ਆ, ਪਰ ਆਪਣਾ ਗ਼ਰੂਰ ਨਾ ਤੂੰ ਛੱਡੀ।
* ਮਿਰਜ਼ਿਆ ਮਾਰਿਆ ਜਾਏਂਗਾ, ਵੇ ਮੇਰੇ ਭਾਈਆਂ ਦੇ ਤੂੰ ਹੱਥੀਂ।
ਕਹਿੰਦਾ ਹੱਥ ਤੇਰਾ ਫੜ੍ਹਕੇ, ਮੈਂ ਰੱਬ ਤੋਂ ਵੀ ਨਹੀਂ ਡਰਦਾ,
ਤੇਰੇ ਭਾਈ ਮਸੂਮ ਜਿਹੇ, ਉਹਨਾਂ ਹੱਥੀਂ ਮੈਂ ਨਹੀਂ ਚੜ੍ਹਦਾ।
ਗੀਤ ਨਾ ਬਣ ਜਾਈਂ ਸ਼ੈਰੀ ਲਈ, ਮਿਰਜ਼ਾ ਲਿਖਿਆ ਜਾਵੇ ਉਹਦੇ ਹੱਥੀਂ,
* ਮਿਰਜ਼ਿਆ ਮਾਰਿਆ ਜਾਏਂਗਾ, ਵੇ ਮੇਰੇ ਭਾਈਆਂ ਦੇ ਤੂੰ ਹੱਥੀਂ।
