ਨਾ ਇੰਤਜ਼ਾਰ ਦੀ ਲਿੱਜ਼ਤ ਨਾ ਗ਼ਮ ਜੁਦਾਈ ਦਾ।
ਅਜੀਬ ਹਾਲ ਹੈ ਐ ਦੋਸਤ ਆਸ਼ਨਾਈ ਦਾ।
ਰੁਲਾ ਰੁਲਾ ਹੈਂ ਗਿਆ ਐ ਹਸਾਉਣ ਵਾਲੇ ਤੂੰ ,
ਹਸਾ ਹਸਾ ਕੇ ਨਹੀਂ ਇਸ ਤਰਾਂ ਰੁਲਾਈ ਦਾ।
ਕਰੀਬ ਆ ਕਿ ਸਮਾਂ ਫਿਰ ਕਦੇ ਮਿਲੇ, ਨ ਮਿਲੇ,
ਕਰੀਬ ਆ ਕਿ ਨਹੀਂ ਦੂਰ ਦੂਰ ਜਾਈ ਦਾ।
ਕਿਸੇ ਖ਼ਲੂਸ ਦੀ ਹੱਦ 'ਚੋਂ ਜ਼ਰਾ ਕੁ ਦੂਰ ਨਿਕਲ,
ਕਿਸੇ ਖ਼ਲੂਸ ਦਾ ਰਸਤਾ ਹੈ ਭੁੱਲ ਭੁਲਾਈ ਦਾ।
ਹਜ਼ਾਰ ਦਾਸ਼ਤਾ ਇਹ ਜ਼ਿੰਦਗੀ ਪਰਾਈ ਹੈ ,
ਮੈਂ ਜਾਣਦਾ ਹਾਂ ਮਗਰ ਲੁਤਫ ਹੈ ਪਰਾਈ ਦਾ।
ਹਜ਼ਾਰ ਜ਼ਖ਼ਮ ਹੈ ਦਿਲ ਚਾਕ ਚਾਕ ਹੈ ਯਾਰੋ ,
ਹਜ਼ਾਰ ਜ਼ਖ਼ਮ ਹੈ ਇਕ ਜ਼ਖ਼ਮ ਬੇ ਵਫਾਈ ਦਾ।
