ਨੰਨੇ - ਮੁੰਨੇ,ਪਿਆਰੇ - ਪਿਆਰੇ
ਮਾਤਾ-ਪਿਤਾ ਦੀ ਅੱਖ ਦੇ ਤਾਰੇ।
ਸਾਰਾ ਘਰ ਖੁਸ਼ੀਆਂ ਨਾਲ ਭਰਦੇ,
ਨੱਚਦੇ ਟੱਪਦੇ ਅਠਖੇਲੀਆਂ ਕਰਦੇ।
ਹੱਸਦੇ ਲੱਗਣ ਸਭ ਨੂੰ ਪਿਆਰੇ।
ਆਪਣੀ ਮਸਤੀ ਦੇ ਵਿੱਚ ਰਹਿੰਦੇ,
ਮਿੱਠੀਆਂ-ਮਿੱਠੀਆਂ ਗੱਲਾਂ ਕਹਿੰਦੇ,
ਮੋਹ ਲੈਣ ਤੋਤਲੇ ਬੋਲ ਪਿਆਰੇ।
ਦਾਦਾ-ਦਾਦੀ ਦਾ ਜੀਅ ਲਾਉਂਦੇ,
ਖੇਡਾਂ ਆਪਣੇ ਨਾਲ ਖਿਡਾਉਂਦੇ।
ਉਹ ਜਾਣ ਇਹਨਾਂ ਤੋਂ ਬਲਿਹਾਰੇ।
ਘਰ ਵਿੱਚ ਰੌਣਕ ਲਾਈ ਰੱਖਦੇ,
ਗੁੱਸੇ ਵਿੱਚ ਅੱਗ ਵਾਂਗੂੰ ਭਖਦੇ,
ਰੱਬਾ ਖੁਸ਼ੀ-ਖੁਸ਼ੀ ਵੱਸਣ ਸਾਰੇ।
ਨੰਨੇ-ਮੁੰਨੇ, ਪਿਆਰੇ-ਪਿਆਰੇ
ਚਮਕਣ ਵਾਂਗ ਚੰਨ ਸੂਰਜ ਤਾਰੇ।
