ਜੇ ਜਿੰਦਗੀ ਵਿੱਚ ਸੱਚੀ ਮੁਸਕਰਾਹਟ ਚਾਹੁੰਦੇ ਹੋ,
ਤਾਂ ਦੋਸਤੋ ਐਵੇਂ ਬੇਵਜ੍ਹਾ ਮੁਸਕਰਾਣਾ ਛੱਡ ਦਿਉ।
ਜਾਂ ਮਿਹਨਤ ਕਰੋ ਤੇ ਜਾਂ ਫਿਰ ਖੁਦਕੁਸ਼ੀ ਕਰੋ,
ਪਰ ਦਰ-ਦਰ ਆਪਣਾ ਹੱਥ ਫੈਲਾਣਾ ਛੱਡ ਦਿਉ।
ਕਿਸੇ ਦੇ ਆਸਰੇ ਕਦੋਂ ਤੱਕ ਜਿਉਂਦੇ ਰਹੋਗੇ?
ਕੰਮਚੋਰੋ ਹੁਣ ਤਾਂ ਮੁਫਤ ਦਾ ਖਾਣਾ ਛੱਡ ਦਿਉ।
ਪੱਥਰਾਂ ਨਾਲ ਟਕਰਾਉਣ ਦੀ ਆਦਤ ਪਾ ਲਵੋ,
ਐਵੇਂ ਬੇਵਜ੍ਹਾ ਫੁੱਲਾਂ ਨਾਲ ਟਕਰਾਣਾ ਛੱਡ ਦਿਉ।
ਜੇ ਰੱਬ ਨੂੰ ਆਪਣੇ ਘਰ ਵਿੱਚ ਹੀ ਪਾਉਣਾ ਏ,
ਤਾਂ ਡਰਪੋਕੋ ਐਵੇਂ ਦਰ-ਦਰ ਜਾਣਾ ਛੱਡ ਦਿਉ।
ਨਿੱਤ ਨਵੇਂ ਸੰਘਰਸ਼ ਦਾ ਨਾਮ ਹੀ ਜਿੰਦਗੀ ਹੈ,
ਸਿੱਧੂ' ਹੁਣ ਚੁਣੌਤੀਆਂ ਤੋਂ ਘਬਰਾਣਾ ਛੱਡ ਦਿਉ।
