ਕੱਚੀਆਂ ਉੁਮਰਾਂ ਹਿੱਕਾਂ ਡਾਈਆਂ ।
ਜਦ ਸੀ ਫੌਜ਼ਾਂ ਚੜ੍ਹ ਕੇ ਆਈਆਂ ।
ਕਹਿੰਦੇ ਅਕਾਲ ਤਖ਼ਤ ਢਾਹੁਣੇਂ ।
ਹਾਰ ਨਾ ਮੰਨਦੇ ਨੀਲੇ ਬਾਣੇ ।
ਜਦ-ਜਦ ਹਾਕਮ ਕਹਿਰ ਕਮਾਵੇ ।
ਤਦ ਤਦ ਖਾਲਸਾ ਉੁਹਨੂੰ ਢਾਹਵੇ ।
ਚਮਕੌਰ ਗੜ੍ਹੀ 'ਚੋਂ ਮੁੱਕੇ ਦਾਣੇ ।
ਹਾਰ ਨਾ ਮੰਨਦੇ ਨੀਲੇ ਬਾਣੇ ।
ਭਾਵੇਂ ਨੀਹਾਂ ਵਿੱਚ ਚਿਣਵਾ ਦੇ ।
ਕੇਸੋਂ ਚੰਗਾ ਗਾਟਾ ਲਾਹ ਦੇ ।
ਭਾਵੇਂ ਬੰਦ ਬੰਦ ਪਏ ਕਟਾਉੁਣੇ ।
ਹਾਰ ਨਾ ਮੰਨਦੇ ਨੀਲੇ ਬਾਣੇ ।
ਬਾਬਰ ਨੂੰ ਵੀ ਜਾਬਰ ਕਹਿਣਾ ।
ਤੱਤੀਆਂ ਤਵੀਆਂ ਤਾਪ ਵੀ ਸਹਿਣਾ ।
ਫਿਰ ਵੀ ਰਹਿਣਾ ਉੁਸਦੇ ਭਾਣੇ ।
ਹਾਰ ਨਾ ਮੰਨਦੇ ਨੀਲੇ ਬਾਣੇ ।
ਇਹ ਸ਼ਹਾਦਤ ਹੋਰ ਨਾ ਕਿਧਰੇ ।
ਸਵਾ ਲੱਖ ਨਾਲ 'ਕੱਲਾ ਨਿਬੜੇ ।
ਸੀਸ ਤਲੀ ਧਰ ਜੰਗ ਨੂੰ ਮਾਣੇ ।
ਹਾਰ ਨਾ ਮੰਨਦੇ ਨੀਲੇ ਬਾਣੇ ।
ਵਿੱਚ ਚੁਰਾਸੀ ਘੱਲੂਘਾਰੇ ।
ਕਿੰਨੇ ਹੀ ਬੇਦੋਸ਼ੇ ਮਾਰੇ ।
ਫ਼ਿਰ ਵੀ ਖੜ੍ਹਦੇ ਹਿੱਕਾਂ ਤਾਣੇ ।
ਹਾਰ ਨਾ ਮੰਨਦੇ ਨੀਲੇ ਬਾਣੇ ।
