ਉਹਦਾ ਵੇਖਣਾ, ਮੇਰੇ ਲਈ ਜਿੰਦਗੀ ਵਰਗਾ ਸੀ,
ਕਿਸੇ ਦੁਖੀ ਦਿਲ ਨੂੰ ਮਿਲੀ ਖੁਸੀ ਵਰਗਾ ਸੀ।
ਮਿੱਠੀ ਜਿਹੀ ਮੁਸਕਾਨ ਉਹਦੀ, ਦਿਲ ਨੂੰ ਡੰਗ ਗਈ,
ਉਹਦਾ ਹੱਸਣਾ ਫੁੱਲਾਂ ਦੀ ਕੋਮਲ ਨਰਮੀ ਵਰਗਾ ਸੀ।
ਮੈਂ ਉਹਦੇ ਵੱਲ, ਉਹ ਮੇਰੇ ਵੱਲ, ਬੱਸ ਵੇਖਦੀ ਹੀ ਰਹੀ,
ਇਹ ਸਿਲਸਿਲਾ ਅਜੀਬ ਜਿਹੀ ਬੇਸਰਮੀ ਵਰਗਾ ਸੀ।
ਸੋਚਦਾ ਸਾਂ, ਕਦੇ ਮੁਹੱਬਤ ਦਾ ਇਜਹਾਰ ਕਰਾਂਗਾਂ ਮੈਂ,
ਪਰ ਮੇਰਾ ਫੈਸਲਾ ਵੀ ਤਾਂ ਪੋਹ ਦੀ ਗਰਮੀ ਵਰਗਾ ਸੀ।
ਉਸਨੇ ਖੁਦ ਇਜਹਾਰ-ਏ-ਇਸਕ ਕਿੳਂ ਨਈਂ ਕੀਤਾ,
ਇਹੋ ਸਵਾਲ ਮੇਰੇ ਲਈ ਭਾਰੀ ਸਿਰਦਰਦੀ ਵਰਗਾ ਸੀ।
ਉਹਦਾ ਤੁਰ ਜਾਣਾ, ਮੇਰੀ ਜਿੰਦਗੀ ਤੋਂ ਬੜੀ ਦੂਰ ਕਿਤੇ,
ਮੇਰੇ ਲਈ ਇਹ ਮੌਤ ਜਿਹੀ ਗਮੀ ਵਰਗਾ ਸੀ।
ਖੈਰ! ਜੁੱਗ-ਜੁੱਗ ਜੀਵੇ ਹੁਣ, ਉਹ ਜਿੱਥੇ-ਕਿਤੇ ਵੀ ਹੋਵੇ,
ਸਿੱਧੂ' ਇਹ ਹਿਜ਼ਰ ਤਾਂ ਖੁਦਾ ਦੀ ਮਰਜੀ ਵਰਗਾ ਸੀ।
