ਪੰਛੀ ਹਾਂ ਮੈਂ ਪੰਛੀ
ਮੇਰੀ ਮਿੱਠੀ ਪਿਆਰੀ ਅਵਾਜ਼ ।।
ਵਿਚ ਹਵਾ ਦੇ ਰਸ ਘੋਲਾਂ
ਸੁੰਦਰ ਮਧੁਰ ਵਜਾਵਾਂ ਸਾਜ ।।
ਨਚਾਂ ਟੱਪਾਂ ਖੁਸ਼ੀ ਮਨਾਵਾਂ
ਗਾਵਾਂ ਮਿੱਠੇ ਮਿੱਠੇ ਗੀਤ ।।
ਚੁਸਤੀ ਫ਼ੁਰਤੀ ਨਾਲ ਮੈਂ ਭਰਿਆ
ਪਾਵਾਂ ਸਭ ਨਾਲ ਗੂੜ੍ਹੀ ਪ੍ਰੀਤ ।।
ਜਿਨੀ ਭੁੱਖ ਉੰਨਾ ਖਾਵਾਂ
ਵੱਧ ਜੋੜ ਮੈਂ ਰੱਖਦਾ ਨਹੀਂ ।।
ਲਾਲਚ ਤੋਂ ਮੈਂ ਕੋਹਾਂ ਦੂਰ
ਹੰਕਾਰ ਮੇਰੇ ਵਿਚ ਵਸਦਾ ਨਹੀਂ ।।
ਚੁਗ਼ਲੀ ਨਿੰਦਾ ਕਦੇ ਨਾ ਕਰਦਾ
ਨਾ ਕਿਸੇ ਨੂੰ ਮੰਦਾ ਬੋਲਾਂ ।।
ਝੂਠ ਫਰੇਬ ਤੋਂ ਮੈਂ ਬਚਿਆ
ਨਾ ਕਿਸੇ ਨੂੰ ਝੂਠਾ ਤੋਲਾਂ ।।
ਹੱਕ ਕਰਮ ਦੀ ਖਾਵਾਂ ਸੁੱਚੀ
ਕਿਸੇ ਤੋਂ ਮੈਂ ਡਰਦਾ ਨੀ ।।
ਪਾਪ ਨਾਲੋਂ ਮੈਂ ਭੁੱਖਾ ਚੰਗਾ
ਭੁੱਖ ਨਾਲ ਮੈਂ ਮਰਦਾ ਨੀ ।।
ਜੋ ਮਿਲੇ ਸਭ ਮਿਲ ਖਾਈਏ
ਮੇਰੀ ਮੇਰੀ ਮੈਂ ਕਰਦਾ ਨਹੀਂ ।।
ਸਾਰੇ ਰਲ ਮਿਲ ਰਹਿਣ ਇਕੱਠੇ
ਕਿਸੇ ਨਾਲ ਕੋਈ ਲੜਦਾ ਨਹੀਂ ।।
ਮੋਹ ਲੋਭ ਤੋਂ ਹੋਕੇ ਦੂਰ
ਉਚਾ ਸੁੱਚਾ ਜੀਵਨ ਜੀਵਾਂ।।
ਦਾਣਾ ਦਾਣਾ ਚੁੱਗ ਚੁੱਗ ਖਾਵਾਂ
ਸ਼ਰਾਬ ਤਬਾਕੂ ਮੈਂ ਨਾ ਪੀਵਾਂ ।।
ਪੰਛੀ ਹਾਂ ਮੈਂ ਪੰਛੀ
ਮੇਰੇ ਵਿਚ ਕੁਦਰਤ ਦਾ ਵਾਸ ।।
ਹਰ ਮੁਸ਼ਕਿਲ ਹੱਸਕੇ ਸਹਾਂ
ਮੈਂ ਨਾ ਹੋਇਆ ਕਦੇ ਉਦਾਸ ।।
