ਪਤਝੜਾਂ ਦਾ ਮੌਸਮ ਹੁਣ ਤੇ ਜਾਣ ਦਿਉ।
ਖ਼ੁਸ਼ਬੁਆਂ ਦਾ ਬੁੱਲਾ ਕਿਧਰੋਂ ਆਣ ਦਿਉ।
ਤਾਸ਼ ਦਾ ਇਕ ਇਕ ਪੱਤਾ ਮੈਂ ਅਜ਼ਮਾਉਣਾਂ ਏਂ,
ਬਾਜ਼ੀ ਜੇ ਕਰ ਹਰਦੀ ਏ ਹਰ ਜਾਣ ਦਿਉ ।
ਬੇਹਿਸ ਲੋਕਾਂ ਭਾਵੇਂ ਵਾਜ਼ ਨਹੀਂ ਸੁਣਨੀ,
ਇਕ ਵਾਰੀ ਤੇ ਬੂਹੇ ਨੂੰ ਖੜਕਾਣ ਦਿਉ।
ਜਿਹੜੀਆਂ ਫ਼ਸਲਾਂ ਪੱਕਣਾ ਉਹਨਾਂ ਪਕਣਾ ਈਂ ਏਂ,
ਜੋ ਤੂਫ਼ਾਨ ਵੀ ਆਉਂਦਾ ਏ ਤੇ ਆਣ ਦਿਉ।
ਮੈਨੂੰ ਪਿਆਰ ਬਥੇਰੇ ਲੋਕੀ ਕਰਦੇ ਨੇ,
'ਕੱਲਿਆਂ ਬਹਿਕੇ ਮੈਨੂੰ ਦਿਲ ਪਰਚਾਣ ਦਿਉ।
ਕੋਈ ਨਾ ਕੋਈ ਤੇ ਸਭ ਨੂੰ ਚਸਕਾ ਲੱਗਾ ਏ,
'ਸ਼ਾਹਿਦ' ਨੂੰ ਲਹਿਜੇ ਦਾ ਚਸਕਾ ਲਾਣ ਦਿਉ।
