ਅਸੀਂ ਪਿਆਰੇ ਬੱਚੇ ਹਾਂ ।
ਸਾਰੇ ਜੱਗ ਤੋਂ ਅੱਛੇ ਹਾਂ ।
ਅਸੀਂ ਪਿਆਰੇ ਬੱਚੇ ਹਾਂ।
ਸਦਾ ਹੀ ਹੱਸਦੇ ਰਹਿੰਦੇ ਹਾਂ ।
ਉੱਠਦੇ ਹਾਂ ਬਹਿੰਦੇ ਹਾਂ ।
ਸਭ ਕੁਝ ਸੱਚ ਸੱਚ ਕਹਿੰਦੇ ਹਾਂ ।
ਭਾਵੇਂ ਅਕਲੋਂ ਕੱਚੇ ਹਾਂ ।
ਅਸੀਂ ਪਿਆਰੇ ਬੱਚੇ ਹਾਂ ।
ਬੱਚੇ ਹਾਂ ਅਸੀਂ ਪਿਆਰੇ ਪਿਆਰੇ ।
ਸਾਰੇ ਜੱਗ ਤੋਂ ਨਿਆਰੇ ਨਿਆਰੇ ।
ਮਾਂ ਬਾਪ ਦੀ ਅੱਖ ਦੇ ਤਾਰੇ ।
ਸਾਫ ਮਨ ਦੇ ਸੱਚੇ ਹਾਂ ।
ਅਸੀਂ ਪਿਆਰੇ ਬੱਚੇ ਹਾਂ ।
ਉੱਠ ਸਵੇਰੇ ਤੱੜਕੇ ਨ੍ਹਾਈਏ ।
ਮਾਂ ਬਾਪ ਪੈਰੀਂ ਹੱਥ ਲਾਈਏ ।
ਸੱਜ ਸੰਵਰ ਸਕੂਲੇ ਜਾਈਏ ।
ਅਨੁਸ਼ਾਸਨ ਦੇ ਪੱਕੇ ਹਾਂ ।
ਅਸੀਂ ਪਿਆਰੇ ਬੱਚੇ ਹਾਂ ।
ਹੱਸਦੇ ਹਾਂ ਅਸੀਂ ਗਾਉਂਦੇ ਹਾਂ ।
ਸਭ ਦਾ ਮਨ ਪਰਚਾਉਂਦੇ ਹਾਂ ।
ਰੁੱਸੇ ਆਣ ਮਨਾਉਂਦੇ ਹਾਂ ।
ਕਰ ਇਰਾਦੇ ਪੱਕੇ ਹਾਂ ।
ਅਸੀਂ ਪਿਆਰੇ ਬੱਚੇ ਹਾਂ ।
