ਹੱਥਾਂ ਵਿੱਚੋ ਡਿੱਗੇ ਰਸਾਲੇ ਨੀ ਪਿਆਰੀਏ,
ਸੋਹਣੇ-ਸੋਹਣੇ ਫੁੱਲ ਪੈਂਦਾ ਕਰੇ ਨੀ ਕਿਆਰੀਏ।
ਜੁਬਾਨੋਂ ਲੱਥੀ ਨਾਨਕ ਦੀਏ ਸ਼ਹਿਜਾਦੀਏ ,
ਕਿੱਥੇ ਖੋ ਗਏ ਤੇਰੇ , ਸੱਚੇ ਪਾਠਕ ਪੰਜਾਬੀਏ।
ਭਾਈ ਵੀਰ ਤੇਰੇ ਨਾਲ ਲਾਡ ਲਡਾਏ ਸੀ ,
ਕਵੀਆਂ ਨੇ ਤੇਰੇ ਤਾਈ ਛੰਦ ਵੀ ਬਣਾਏ ਸੀ।
ਖੂਬ ਤੇਰੇ ਰਾਗ , ਅਨੰਦ ਦੇਣ ਨੀ ਰਬਾਬੀਏ,
ਕਿੱਥੇ ਖੋ ਗਏ ਤੇਰੇ , ਸੱਚੇ ਪਾਠਕ ਪੰਜਾਬੀਏ।
ਪੀਰਾਂ ਪੈਗੰਬਰਾਂ ਪੰਜ ਆਬਾਂ ਦੀਏ ਰਾਣੀਏ,
ਪੰਜ ਸਾਗਰਾਂ ਨੂੰ ਤੇਰੀ ਕਦਰ ਸਿਖਾਣੀਏ ।
ਤੂੰ ਹਰ ਕੋਲ ਹੋਵੇ , ਗਿਆਨ ਦੀਏ ਚਾਬੀਏ,
ਕਿੱਥੇ ਖੋ ਗਏ ਤੇਰੇ , ਸੱਚੇ ਪਾਠਕ ਪੰਜਾਬੀਏ।
