ਕੋਈ ਉਹਨੂੰ ਰਾਮ ਕਹਿੰਦਾ ਏ, ਕੋਈ ਅੱਲ੍ਹਾ ਕਹਿੰਦਾ ਏ,
ਸਭ ਉਹਦੇ ਨਾਮ ਤੇ ਲੜ-ਲੜ ਮਰਦੇ ਨੇ ਦੁਨੀਆਂ ਵਾਲੇ।
ਐਸਾ ਉਹ ਕਿਹੜਾ ਖੂਨੀ ਦਰਿੰਦਾ ਹੈ, ਦੱਸੋ ਤਾਂ ਸਹੀ ?
ਜਿਸ ਤੋਂ ਕਿ ਐਨਾ ਜਿਆਦਾ ਡਰਦੇ ਨੇ ਦੁਨੀਆਂ ਵਾਲੇ।
ਕੋਈ ਮਸੀਤਾਂ ਵਿੱਚ, ਕੋਈ ਮੰਦਰਾਂ ਵਿੱਚ ਪੂਜਦਾ ਏ,
ਸਭ ਉਹਨੂੰ ਝੁਕ ਕੇ ਸਲਾਮ ਕਰਦੇ ਨੇ ਦੁਨੀਆਂ ਵਾਲੇ।
ਐਸੀ ਕਿਹੜੀ ਖੂਬੀ ਹੈ, ਉਸ ਸਰਵ-ਸਕਤੀਮਾਨ ਵਿੱਚ?
ਕਿ ਗੱਲ-ਗੱਲ ਤੇ ਉਹਦਾ ਪਾਣੀ ਭਰਦੇ ਨੇ ਦੁਨੀਆਂ ਵਾਲੇ।
ਸਿੱਧੂ' ਸਭ ਜਾਣਦੇ ਨੇ ਕਿ ਸਾਡਾ ਸਭ ਦਾ ਮੂਲ ਇੱਕ ਹੀ ਹੈ,
ਫਿਰ ਕਿਉਂ ਇੱਕ-ਦੂਜੇ ਨੂੰ ਨਫਰਤ ਕਰਦੇ ਨੇ ਦੁਨੀਆਂ ਵਾਲੇ।
