ਸਦੀਆਂ ਤੋਂ ਵਿੱਛੜੇ ਸੀ, ਅਸੀਂ ।
ਸਾਵਣ ਚ ਮਿਲ ਪਏ ।
ਪੱਤਿਆਂ ਵਾਂਗੂੰ ਪੁੰਗਰ ਗਏ ।
ਫੁੱਲਾਂ ਵਾਗੂੰ ਖਿੜ ਪਏ ।
ਪਿਆਰਾਂ ਦੀ ਪੀਂਘ ਰੁੱਸ ਗਈ ਸੀ ।
ਰੱਸੀ ਅੱਧ ਚ ਟੁੱਟ ਗਈ ਸੀ ।
ਅਸੀਂ ਡਿੱਗ ਪਏ ਪੱਥਰਾਂ 'ਤੇ ।
ਸ਼ਾਹ ਸਾਡੇ ਨਿਕਲ ਗਏ ।
ਸਦੀਆਂ.....
ਪੱਤਿਆਂ....
ਸੋਚੀ ਲੰਮੀ ਉਡਾਰੀ ਸੀ ।
ਉੱਡਣ ਦੀ ਤਿਆਰੀ ਸੀ ।
ਸਪਨੇ ਜੋ ਊਣੇ ਸਰਬ ।
ਟੁੱਟਦੇ ਤਿਲ਼-ਤਿਲ਼ ਗਏ ।
ਸਦੀਆਂ..
ਪੱਤਿਆਂ...
ਸਾਨੂੰ ਚੈਨ ਨਾ ਆਇਆ ਜੀ ।
ਬਿਰਹਾ ਤਰਹਾਇਆ ਸੀ ।
ਅਸੀਂ ਰੱਬ ਨਾਲ ਰੁੱਸੇ ਰਹੇ ।
ਬੈਠੇ ਬਣ ਸਿਲ ਰਹੇ ।
ਸਦੀਆਂ ਤੋਂ ਵਿੱਛੜੇ ਸੀ, ਅਸੀਂ ।
ਸਾਵਣ ਚ ਮਿਲ ਪਏ ।
ਪੱਤਿਆਂ ਵਾਂਗੂੰ ਪੁੰਗਰ ਗਏ ।
ਫੁੱਲਾਂ ਵਾਗੂੰ ਖਿੜ ਪਏ ।
