ਬੇਹੱਦ ਸੋਹਣੇ-ਸੁਨੱਖੇ ਹੋ ਗਏ 'ਅੱਜ, ਕੱਲ੍ਹ' ਜਿੰਦਗੀ ਦੇ,
ਆਰਾਮਦਾਇਕ ਗੁਜਰ ਰਹੇ ਨੇ ਹੁਣ ਪਲ ਜਿੰਦਗੀ ਦੇ।
ਜੋ ਮੰਗਦੀ, ਜੋ ਸੋਚਦੀ, ਜੋ ਲੋਚਦੀ ਮੁਸ਼ਕਿਲ ਤੋਂ ਮੁਸ਼ਕਿਲ,
ਦਿਲ ਚੋਂ ਨਿਕਲੇ ਸਭ ਪ੍ਰਸਨ ਹੋ ਰਹੇ ਨੇ ਹੱਲ ਜਿੰਦਗੀ ਦੇ।
ਕਦੇ ਡੁੱਬ ਰਹੀ ਸੀ, ਹੰਝੂਆਂ-ਗਮਾਂ ਦੇ ਡੂੰਘੇ ਸਾਗਰ ਵਿੱਚ,
ਸ਼ੁਕਰ ਹੈ ਉਹ ਕਾਲੇ ਦਿਨ ਗਏ ਨੇ ਟਲ਼ ਜਿੰਦਗੀ ਦੇ।
ਕੁਦਰਤ ਦੀ ਹਰ ਸੈਅ ਵਿੱਚੋਂ ਆਪਣਾ-ਪਣ ਝਲਕਦਾ ਏ,
ਇੰਝ ਲੱਗੇ ਜਿਵੇਂ ਹੁਣ ਖੁਦਾ ਵੀ ਹੋਵੇ ਵੱਲ ਜਿੰਦਗੀ ਦੇ।
ਤੇਰੇ ਬਿਨ ਸੱਜਣ, ਮਹਿੰਦੀ ਤੋਂ ਸੱਖਣੀ ਦੁਲਹਨ ਲੱਗਦੀ,
ਸਿੱਧੂ' ਦੂਰ-ਦੂਰ ਨਾ ਜਾਹ ਨਾਲ-ਨਾਲ ਹੀ ਚੱਲ ਜਿੰਦਗੀ ਦੇ।
