ਅੱਜ ਦਾ ਦਿਨ ਸੁਹਣਿਆਂ ਦੇ ਨਾਮ ।
ਅੱਜ ਮੇਰਾ ਸਿਜਦੇ ਦਾ ਮਨ ਹੈ ।
ਜਿਹੜੇ ਕੁਦਰਤ ਦੇ ਪ੍ਰੇਮੀ ।
ਤੜਕੇ ਵੇਲੇ ਦੇ ਨਿਤਨੇਮੀ ।
ਕਰਦਾ ਨਮਸਕਾਰ ਤਨ ਮਨ ਹੈ ।
ਅੱਜ ਮੇਰਾ ਸਿਜਦੇ ਦਾ ਮਨ ਹੈ ।
ਜਿਸ ਨੇ ਅੱਜ ਕਿਤਾਬ ਫੜੀ ।
ਖੋਹਲ ਕੇ ਲੇਖਕ ਲਿਖਤ ਪੜ੍ਹੀ ।
ਮੱਥਾ ਉਹਦਾ ਚੁੰਮਣ ਦਾ ਮਨ ਹੈ,
ਅੱਜ ਮੇਰਾ ਸਿਜਦੇ ਦਾ ਮਨ ਹੈ ।
ਜਿਸ ਨੇ ਹੱਥ ਵਿੱਚ ਕਲਮ ਫੜੀ ।
ਲਿਖੇ ਜੋ ਕੁਦਰਤ ਦੇ ਲਈ ।
ਹੱਥ ਉਹਦੇ ਚੁੰਮਣ ਦਾ ਮਨ ਹੈ,
ਅੱਜ ਮੇਰਾ ਸਿਜਦੇ ਦਾ ਮਨ ਹੈ ।
ਜੋ ਮਾਂ ਪੰਜਾਬੀ ਬੋਲਦੇ ।
ਅੱਖਰਾਂ ਦਾ ਰੁਤਬਾ ਤੋਲਦੇ ।
ਦੋਵੇਂ ਹੱਥ ਉਨ੍ਹਾਂ ਗਲਵੱਕੜੀ,
ਪਾਵਣ ਦਾ ਮੇਰਾ ਮਨ ਹੈ ।
ਅੱਜ ਮੇਰਾ ਸਿਜਦੇ ਦਾ ਮਨ ਹੈ ।
ਸਾਰੇ ਜੋ 'ਸਰਬ' ਪਿਆਰੇ ਨੇ,
ਜਾਵਾਂ ਉਹਨਾ ਬਲਿਹਾਰੇ ਮੈਂ ।
ਸਿਰ ਮੇਰੇ ਹੱਥ ਰੱਖਣ ਜੋ,
ਉਹਨਾਂ ਨੂੰ ਤੱਕਣੇ ਦਾ ਮਨ ਹੈ ।
ਅੱਜ ਮੇਰਾ ਸਿਜਦੇ ਦਾ ਮਨ ਹੈ ।
