ਉੱਠ ਜਾ ਸੋਹਣਿਆ, ਲੱਭ ਲਿਆ ਤੈਨੂੰ ।
ਮੁਹੱਬਤਾਂ ਦਾ ਬੀੜਾ ਉਠਾ, ਨਹੀਂ ਲੋੜ, ਨਹਾਉਣ ਦੀ ।
ਸੋਹਣੇ ਲੀੜੇ, ਹੱਥੀਂ ਚੂੜੀਆਂ, ਨਾਲ ਕਲੀਰੇ ਪਾਉਣ ਦੀ ।
ਗੱਲ੍ਹੀਂ ਲਾਲੀ, ਅੱਖੀਂ ਸੁਰਮਾਂ, ਨਾ ਲੋੜ, ਨੈਣ ਮਟਕਾਉਣ ਦੀ ।
ਨਾ ਲਾਵੀਂ ਦੰਦੀਂ ਦੰਦਾਸਾ, ਫੱਬਦਾ ਤੇਰੇ ਅੱਲੜ ਹਾਸਾ ।
ਮੂੰਹੋਂ ਪਹਿਲੇ ਬੋਲ ਜੋ ਨਿਕਲੇ, ਸੱਜਣ ਲੱਗਣੇ ਵਾਂਗ ਪਤਾਸ਼ਾ ।
ਲੋੜ ਨਹੀਂ ਸ਼ਰਮਾਉਣ ਦੀ, ਸੋਹਣੇ ਯਾਰ, ਗਲੇ ਲੱਗ ਜਾ ।
ਸਦੀਆਂ ਪਾਏ ਵਿਛੋੜੇ ਜੋ, ਪਲ ਵਿੱਚ ਸਾਰੇ ਦੇ ਭੁਲਾ ।
ਕਲਮ ਫੜਾਈ ਬਿਰਹਾ ਤੇਰੇ, ਜਿੰਨੇ ਮਰਜ਼ੀ ਗੀਤ ਲਿਖਾ ।
ਚੱਲ ਜਵਾਨੀ ਮਾਣੀਏ, ਸੰਤਾਪ ਬਥੇਰੇ ਲਏ ਹੰਢਾ ।
ਦੁਆ-ਸਲਾਮ ਬਥੇਰੀ ਕੀਤੀ, ਤਾਂ ਹੀ ਡਾਹਢੇ ਦੀਆ ਮਿਲਾ ।
'ਸਰਬ' ਨੇ ਪੈੜਾਂ, ਨਾਪ ਕੇ ਲੱਭਿਆ, ਯਾਰ ਮੇਰਾ, ਮੈਨੂੰ ਲੱਗੇ ਖ਼ੁਦਾ ।
